كيف اعالج العظيم عند ولدى

ماعرف احد بتبوك لكن اذكر جدتي كانت تكسر العظيم عن الصغار

ان شاء الله البنات يدلونك ..

ما عندكم عجوز كبيره في الحاره تعرف ترفع الاطفال شوفي اذا عندكم عجوز خليها ترفعها عشان خبره واذا ماتعرفين احد انا بقولك شلون ترفعين
اذا تبين تعرفين فيها عظيم ولا لا لمسي جفوخها من فوق الراس اذ احسيتي ان في زي الحفره يعني جفوخها نازل فيها عظيم اما اذا كانت عادي يمكن مثل ماقال الدكتور
انا بنتي كانت نفس الشيء وديتها عند حرمه كبيره في حارتنا انا من اللاحساء بقولك شلون تسويه هي علمتني
تاخذين سبع تمرات تطلعين منهم النواه حقتهم وتاخذين قماش قطن يكون طويل شوي او شيله قطن تصفين
نواه التمر على طرف القماش بس لازم ما يتحركون تخلينهم متلاصقين وتلفين القماش عليهم
كانك تلفين ورق عنب ادري ما عرف اشبه المهم بس ما تصفطينه من الجوانب احسن لك تخيطينه لانك بتكررين اكثر من مره
وتاخذين بنتك تحطينها بحظنك وحاوطينها برجولك عشان ما تطيح ولا تتحرك وتدهنين حلقها بالفازلين وتضغطين
بقوه شوي مش حيل بس شوي مكان اللوز
هي بتصيح بس ماعليه واخذي القماش اللي سويتيه وحطيه بنفس المكان على اللوزوشديه فوق وانتي مثبته بنتك
سبع مرات وبعدها رشي عليها مويه بارده شوي بسرعه وحطي مويه على الجفوخ واشفطي المويه بفمك مره وحده بس
ولازم تسوين لها كذا قبل الغروب. بشوي وبعد ماياذن الفجر
يارب تكونين فهمتى علي
انتبهي في بعض العجز يرفعون من داخل الفم بس يمكن يجيها حراره واسهال وماترضع الين يرفعونها مره ثانيه
احسن لك سوي الطريقه اللي قلت لك عليها ولا خلي وحده خبره تسويها لها
انتظري ربع ساعه ورضعيها وشوفي
الله يشفيها ***** الله

انتبهي اختي ترى الطفل اذا تعود ع رفع مشكلة جيبي كريم صانصليك وحطية بالفريزر واصبح اخذي كمية وادهني راسة من فوق لمده اربع ايام او الين يروح وابحثي عنها وشوفي بس طريقة رفع يتعود عليها بعض الاطفال

معقولة محد يعرف احد فى تبوك ؟؟