مرحبا حيبيتي الله يجزاااك خير على اهتمامك والله كبير السن بركة البيت الله يخليها لكم ويطول في عمرها .
بحكم ان عندي تجربه كان جدي الله يرحمه ساكن معنا وكان مثل جدتك ضعيييييييف النظر وما كان يرضى ان احد يأكله،
كنا نحط سفره كبيره بعدين صحن الاكل ونلبسه مثل مريله الاطفال اللي بكموم من قدام مسكره ومن ورى مفتوحه (( فهمتي قصدي ))
وللاكل او للخضار ما نحط الملاعق العاديه لا نحط ملاعق الشوربه تكون مدوره وعميقه شوي واي شي ينشرب إذا شاي يكون كوب ابو يد علشان اسهل للمسك والعصيرات او اللبن يكون با(الشفاط) .
وكنا فارشين من غرفته الى الحمام الموكيت اللي بلاستيك وما يزلق حتى الحمام مفروش (( حلوووووووو ومريح في التنظيف)) مكان الشاور فيه القطعه حقت الارجل تمنع الزحلقه وطبعا يكون الحمام فيه كل اللي يحتاج .
وحبيبتي لو تشترين المناديل المبلله من ديتول حلللللوه لو اكلت شي خفيف تمسحينها،
واهتمي بنظافتها الشخصيه لأن بها العمر كثير يجيهم حساسيه بأماكم مختلفه ،
لا تنسين اظافرها قصصيها ( اليدين والرجلين ) ودهنيها ومشطي شعرها ،
طبعاً اكيد عندها حبوب وادويه تأخذها جيبيها لها وجهزي المويه
إذا تروشت تمسح تحت اذنها بدهن عود وبخري ملابسها وبتطلع عروس ((وتغطي عليك ))هههههه
وشوفي لاتنسين تراعين نفسيتها ترى الكبير يحس انه مثقل عليكم اجلسو معها وسولفي وسأليها عن ايامهم اول ترى ينبسطووووووون ياعمري إذا تذكروا،
ونظفي غرفتها او المكان الي تجلس فيه فتحي الشبابيك كل ما صحت من النوم،
وطلعي بطانيتها كل يومين في الشمس ،
وااااااااااااااسفه احب السواليف طولت عليك (( ما أنعطى وجه )) ....... ....... ايه نسيت إذ كنتي من ربعنا ترى الحريم الكبار يحبون الحناء بريها وحنيها والله انها بتنبسط منك ..
وسلاااااامتك وسلميني عليها سلللللللللللللللللللام كثير >>>>> تراني جاده .

`الله يبارك فيك

الله يعطيك العافيه ويكتب لك الاجر

ياختي ان لي جده الحين الله يرحمها توفت كنا نعتني فيها انا وامي وخواتي

النظافه الشخصيه
الاستحمام
تقليم الاظافر
الملابس لازم تكون مريحه والطرحه تتغير باستمرار مع كل لبسه
احنا كنا ناكلها لانها مسكينه ماتعرف تاكل نفسها

لو افتكرت شي برجع

الله يرحم جدتي بعد ماتتروش وتلبس تدعيلنا

سلام عليكم اخواتى الفاضلات

جزاكم الله خير الجزاء عني وعن جدتي

احببت ان اقول لكم ان جدتي الفاضله البر الحنون
الصدر الحنون والقلب العطوف ومن كان يحبنا رغم عيوبنا

قد توفت بتاريخ 7 فبراير من هذه السنه بعد صراع مرير مع المرض الذي كانت تقاومه ليس لاجلها بل من اجلنا نحن

وانا كنت اتمنى ان يطيل الله بعمرها لكي اخدمها واخدمها واخدمها :(

لاحول ولا قوه الا بالله

اخواتى لو كان لديكم شخص كبير بالسن اخدموه فالعمر قصير والحياة تمضي
وقد احسست ان نور منزلنا انطفئ علينا بعد رحيلها

ماشاء الله تبارك الله
الله يجزاك بالخير
وانا بصراحه اغبطتك لانك تخدمين جددتك
انا كنت زيك اهتم فيها لانها ماتتذكر ولاتعرف احد فيها زهايمر وذحين ماتت الله يرحمها

راح اكتب لك تجربتي معاها

اول شئ كنت اقصص اظافرها ذا اهم شئ
وملابسها تتغير يوميا
والشيله كمان يوميا وكنت اشتري لها دهن عود مخصص لها كل ما لبست وتنظفت اعطرها فيه
واذا جيت اغسل يدينها اجيب لها زبديه فيها ماء وصابون ومنشفه قريبه الليييين حدها واغسل لها يدينها ووجهها اول ماتقوم من
النوم وانفها كمان

واذا جيت أأكلها اخصص لها منشفه صغيره احطها عليها عشان لو طاح شئ كذا ولاكذا مايوسخ ثيابها