كيف اعدل نوم طفلي بعد ما خربته بيدي

السلام عليكم ورحمة الله وبركاته



عندي طفل ما فيه احلى منه بالدنيا كلها سميناه علي (على سيدنا علي بن ابي طالب كرم الله وجهه)

طفلي من انولد وهو ساهر الليل

وعانيت معاه لي صار عمره 4 اشهر بعدين قدرت اتحكم نوعا ما نومه وصار ينام من الساعه 10 مساء الى 2 او 3 وبعدها يصحى اعطيه رضعه وينام الى الساعه 6 الصبح

ولما صار عمره 6 اشهر صار ينام من 10 المسا الى 5 الصبح لكن مرات قليله يزهقني وما ينام عدل والحمدلله على كل حال

المهم الحين ولدي الجميل كمل 7 شهور من كم يوم ومن 3 ايم تقريبا اخترب نومه لانه نومي اخترب

الولد الجميل صاير ينام 8 المسا وعالساعه 10 يصحى ويظل مصحصح لي الساعه 1 او 2 بعد نص الليل


انا ما ابي الوضع يسوء اكثر



قولو لي كيف اعدل نومه؟ قبل ما هو يغلبني



واذا ممكن مساعده من اللي عندها خبرة طويله مع الامومة
هذا بكري ومن ولدت ولي الحين احس بكسل مو طبيعي فيني صرت انام لي الظهر واسهر طول الليل
ودايما استثقل عمل اي شي مع انه المفروض اني اقوم بدري خصوصا اني ما عندي شغاله وساكنة بشقة لحالي وما عندي شغاله
امور بيتي كلها تنتظرني عشان اقوم فيها لكني جدا مستثقلتها


منو فيكم عانت مثلي وكيف قدرتي ترجعين الزوجة المثالية والام المثالية لاني نفسيا تعبت من حالي ومو قادرة على نفسي