تقريبا صرت مثلك ونفس مده زواجك وعمر زوجي كنت مرره ازعل اذا راح مكان وانكد على نفسي وعليه الحين صار طبيييعي عندي يروح ولايجلس اهم شيء اموري كلها تمام مااحتاج احد وبررردت على نفسي الحمدلله اشوف فعلا اني نضجت🤗

يابنات هذا ما يعني اني ماابغى الحب
انا ميتتتتتته ومتشففففقه على الحب والمشاعر العاطفيه
بس يأسه جدااا اني الاقي عنده حب

الله يعينك.

هذا مو نضج هذا اسمه مليت منك و انا انتظر انت وصلتي مرحلة اليأس و القناعة بالقليل و هو يمشي الحياة بالموجود وجد هذا افضل حل حتى تستمرو من غير وجع راس و مشاكل بس لا انتي راضية و لا هو راضي و واضح ما احد فيكم يبي يبادر و يصبر و يتنازل حتى يتحرك الثاني
ليش ما تجربي تصارحيه بوقت روقان بحاجتك له و لمشاعره ما راح تخسري اكثر من اللي خسرتيه مافي احد ما يذوب بالكلمة الحلوة

متزوجة لج 15 سنة يعني من فترة طويلة واكيد عمرك في نهاية الثلاثينات بعد السنين هذي والعيال الزواج يتحول من حب المراهقة الا شي اكبر تقدرين تقولين صداقة او ماني عارفة شلون اوضحلج بس مشاعرج بتكون مختلفة اكثر رزانة وعقلانية اما انج تسرحين فيه ومن هالكلام اعتقد هذا يكون باول سنوات الزواج الحين اللي بينكم اكبر عمر وعشرة وسنين واكيد مريتو بازمات ومواقف حلوة ومرة وتعب وبينكم عيال تفكرون بمستقبلهم وحياتهم
وانتي نفسج تقولين تغيرت ترى الزوج مو شرط يكون مثل الافلام او قيس وكلام وجذي لان هذا طبع وتعود ويمكن هو اسلوبه مو جذي ومايعرف يعبر وموضوع الطليات وطبخي وجيبي كذلك تعود وطريقة واغلب الرجال متطلبين وحسب ماتعودوا بحياتهم
اذا انتي حابة تجددين حياتج معاه الغي السلبية من تفكيرج سوي شي جديد لنفسج وله غيري في غرفتكم في نفسج في شكلج في اسلوبج وطريقتج ولا تتوقغين ردة فعل ايجابية لان تعود على نظام معين بس شوي شوي مع الوقت هو بعد بيفك ويلين
والله يسعدج دايم ياقلبي