انا مااعرف المقدمات على طول اباطب في الخلاصه
كثر الحكي هاليومين عن نزول الرحم وانه شايع بين النساء بس فيه حريم يدرن وحريم ما يدرن انهن مصابات وطبعا السبب الرئيسي شيل الثقيل الى جانب الطلق الصناعي عند الولاده والعلامه الشائعه له هي الام الظهر
:44:وانا تخصصي شيل الثقيل وحاااااااره مستحيل اتحرى احد يساعدني اخلص شغلي بنفسي يعني اجر دواليب سرر مكتبات لحاي والله اتعب ويوجعن ظهري مووووت بس الشكوى لله ماتوب :mad:
مثلا عندك انا ببكري عانيت من انقلاب الرحم لوراء وماكنت ادري بس اول ماحملت تحرولت من ظهري
واول مراجعه لي عند الدكتوره صرت اشكي لها ان ظهري اصلا يوجعني وبمجرد حملي صار الوجع دبل وصرت كني ام 80سنه مع اني 20:icon33:
طبعا الدكتوره سعوديه قالت لي عااادي ويوم خلصت قرق قالت قومي على السرير اخذ اشعه للجنين عاد انا ماصدقت خبر انبطحت على الاخر
يوم اخذت الاشعه صااارت تضغط بالجهاز بقوه ببطني كنه خنجر عاد انا انواع المناحه هذي اشعه اجل الولاده وشلون:icon33:خبركم اعليميه
ابتسمت الدكنور وقالت ......شوفي اختي لو انت جايه لي قبل حملك تبين تحملين كان قلت لك ماعندي علاج لك ونسبة حملك 10%لان رحمك مقلوب على وراء ومالك علاج قبل الحمل الا انك تروحي لعجوز تنفضك او تمرخك بس الحمدلله انت حملتي وخلاص الجنين هو راح يعدل رحمك بس راح تعاني من ظهرك بالاشهر الاولى
بس احرصي على نفسك بعد الولاده
:27:
طبعا ماعندك احد ابو طبيع مايجوز عن طبعه لااهتمام ولا مراعات
وظهري يوووووجعن جدا اذا جلست تبهذلت مانسدحت واذا انسدحت تبهذلت ماقمت كني عجوز مع اني ماكملت 30 سنه
وانا قريت قبل كم يوم موضع تكلمو به البنات عن الممرخات ونهن يعالجن نزول الرحم وانقلابه وانا زوجي مايؤمن بالعلاج عند الطب الشعبي نهائي :44:
ومستحيل اروح عندهم واخواني اصغار مايسوقون فما فيه امل اروح عندهم
ودي اعرف كيف اسوي التمريخ انا لنفسي من فوق لتحت والا العكس؟
وهل هو بضغط والا لا ؟
وهل هو ضغط قوي والا بسيط ؟
وكم مره ؟
وهل هو بزيوت والا بدون ووووووو؟
وسمعت انه وقت الدوره بس صدق والا لا؟
ارجوكم يابنات الي كد مرخت تعلمني ترى والله تاخذ بي جر
