حبيبتي لا تسلمين نفسك لبليس يوسوس لك شكلك توك متزوجه منتي قديمه بس نصيحه من اخت وكلي امرك لربك ولاتكثرين النق على الرجال ترى الرجال هالحين مايتحملون ومايصدقون خبر يبون اي شي على الحرمه والرجال اللي فيه بلى ماترده سفره والفساد عندنا بالهبل
اختي لاتضيقين صدرك وانسي موضوع روحته وسفرته ورحي بس اشبعي نوم واهتمي بنفسك وسوي حمام مغربي وغير من تسريحة شعرك
وغيري المفرش وغيري بالغرفه شوي واشتري شموع حلوه يقولون هوم بلازا مخفض وانا والله مدري بس غيري
راحت عمارنا وحنا سافرماسافر وكليها على ربك واهتمي بنفسك
لاتسوين سواتي مره انا صكيت على نفسي في البيت يوم سافر جلست لحالي بالبيت عشان يرحمني اذا اتصل اسوي نفسي حزينه ووحيده ابيه يرحمني والرحمه عند ربي وخواتي واهلي مبسوطين عزايم وطلعات وانا حارمه نفسي وفي النهايه لارحمني ولاجاب خبري اخذتها درس انبسط واطلع واحاول اقوم الليل للصلاة والحمدلله اختي لا تخربين بيتك ولا تدققين وترى زوجك يحترمك ماشالله حتى لو كان مسافر برا ماجرحك لوه واحد ثاني كان قال بسافر واروح واجي وانتي انطقي لكن ( احمدي ربك وانتبهي لبيتك محد نافعك ولا تتصلين على احد ولا تبحثين من وراه حتى عند خواته ترى الكلام وانا اختك ياصل

والله هذول الرجال الي في راسهم حيسووه

لاتتعبي نفسك واستودعيه وبس ..

وحده من زميلاتي سافر زوجها لدبي واقام علاقه غير مشروعه ولا درت وبعد ماجا جته حراره متواصله وطلع عنده حمى مالطيه والرجال جاب الاولي والتالي ويقول لزوجته والله اني مستاهلك انتي دره مصونه انتي وانتي وهو ندمان واتوقع اقوى عقاب للانسان الندم انتي واستودعيه الله وريحي بالك

ما عندي فكره
الله يرده لك سالم ويسخره لك

بنات نصيحه لاتدققون اقروا الورد وتعوذو من الشيطان ولازم تعينون ازواجكم على الطاعه عشان ربي يرحمكم لكن من جد فيه حريم مقصرات بالعباده والحجاب ومتساهلات بالدين وماتصحي زوجها للصلاة ولو خيرها بين مكه ودبي اختارت دبي
واذا الزوج بغى يسافر اوخانها قالت ليش وليش
يابنات ترى فيه رجال فيهم خير بس حنا مقصرين لين يطيح الفاس بالراس