حبيبتي خلي زوجك يصرف وانتي أخذي منه مصروفك وخبي جزء منه لك خليه يصرف الرجال اذا صارت بين يدينه فلوس ينهبل ويتزوج على زوجته

انتي خذي منه مبالغ وادخريها للزمن

اسلوب زوجك غلط

وياما ناس مشوا على كذا مبادئ

و ندموا اشد الندم

صدقيني ابو طبع مايترك طبعه لين يموت بعد عمر طويل
عندك مثال
انا زوجي راتبه معقول وعليه قرض3000
والله وربي الي خلقنا انه مايبقئ من راتبه ريال واخر الشهر يجي يتسلف
انقطع انفسي وانا اقول جمع مافيه فايده واكثر من موقف صار نحتاج فلوس ولامعه ريال
اخر شي صرت اخذ مصروف 1500 واجمع منه قطيات مع خواتي واجمع منه ومع حافز واذا احتاج يتسلف ويرجع فلوسه يطيرها ع الدخان واغراض مال امها داعي. حلويات وشبسات. ومايشتري غير من الغالي ذكرتيني مره كنت بسوي فيها سنعه وراعيه بيت قلت مشينا. لبو خمسه😁 بأخذ سفر بلاستك وقصدير ومناديل مطبخ واكواب كرتون يعني اشياء مو لازم من الغالي هي كذا كذا بنرمي بالزباله. قعد يضحك علي ويخذ ويرمي ويقول مايصلح
بعدها تبت كلها اخذها من العثيم وهو يدفع
وانا بس اغراض الصيدليه عليه باقي مصاريفي ادفعها من مصروفي



وهو عجزت عنه سبع سنوات وانا اتكلم مافيه فايده.

وامي قبلي تعبت مع ابوي تقوله اجمع مافيه فايده
صارت تاخذ مصروف وتجمع قطيات. وباعت ذهبها
وبنت البيت مع ابوي بنص الفلوس وسجله بأسمها
وديما تقول لنا لاتتكلين علئ الرجال انتي سنعي نفسك وضبطي امورك
اذا راتبه معقول خذي 2000 واجمعي منها 1500 ومصروفك 500 مو كل شهر انتي بالسوق
وهو خليه اذا احتاج يدبر نفسه واذا يبي ياخذ قرض
شباب ذا الوقت ماش مايعرفون يفكرون في بكراا


واتركيه ع صرفه ولاتسألينه عن الريال
طلبات البيت والصيدليه اكتبها بورقه واعطيه يجيبها كل نهايه شهر
ومصروفك اجمعي منه وادخري واصرفي ع نفسك
وهو اذا شاف معك فلوس وتجمعين يمكن يتحمس ويجمع

بعدين الرجال اذا جت في باله يجمع بيجمع ويعبي البنك ويسنع نفسه
والي مو مشتهي النجميع والتفكير في المستقبل لو تحفرين ماراح تستفيدين غير وجع الراس

عليك بنفسك ثلاجتك مليانه واغراضك توصلك. ومصروفك بجيبك
بس انتي لاتضغطين في الطلابات انا ع كثر صرفه وتطيره للفلوس ماطلب اكثر من الي محتاجينه

اي والله يا اهات هذا انا حاسه فيه اكيد راح يندم على التبذير
و حتى لو انا اخذ منه و ادخل واجب هو يحط لنفسه
برنامج و يدخر

طيب بسيطه اطلبي منه طلبات وزيدي الزياده خبيها مره الف او اقل او اكثر على حسب بعد كم شهر اذا جمعتي مبلغ كويس علميه عشان يشوف الفرق بس بوقتها مزنوق مره مره الله لا يقول
عشان يعرف قيمه الفلوس بس ياخوفي يبدأ يبخل عليك
الله يوفقك