كيف اعلم ولدي على الحمام أكرمكم الله؟؟؟؟

السلام عليكم خواتي بنات امي حواء

شحالكم الغاليات

صراحة حاسة اني وااايد متضايقة ومليت من كثر الشكاوى قلت مالي غير خواتي يساعدوني في مشكلتي مع ولدي..

انا عندي ولد عمره سنتين ونص وصار لي اعلمه على روحة الحمام تكرمون من عمه سنتين.
صح تعذبت في البدايه لكن الحمد لله صار يتعود على الروحة وقمت ما البسه الحفاظ إلا على وقت النوم أو الطلعه وبس..
احينه يروح الحضانه بحكم اني كنت اشتغل كنت البسه الحفاظ لما يروح الحضانه بس اول ما يرجع اعقها عنه.. ومشت الامور عادية
تطور احينه اول ما كمل سنتين ونص اني على الطلعة ما البسه الحفاظ بس آخذ احتياط والحمد لله ماصار شيء معاه بالعكس يتطور..

اكيد انتوا احينه تقولون خلاص كل شيء تمام عيل ليش السؤال عن تعليمه الحمام؟؟

عزيزاتي بديت احينه لما اطرشه الحضانه ما البسه وخبرتهم اني مالبسته وابيهم يساعدوني..
وصراحة ادارة الحضانه ما قصرت معاي
يعني اشوف ملابس ولدي نظيفة نفسها اللي يطلع من البيت الصبح .. عاد وين المشكلة؟؟؟

المشكلة ياالغاليات..
صارت عندي بالبيت مشكلة ما قام يروح الحمام وكل شوي يوصخ البيت وعمره لو كنت توني مطلعته من الحمام بعد يرد بعد شوي يوسخ الدنيا وثيابه..
امي تضايقت مني لأنه تعبها لما يروح عندها البيت لأن كل البيت فرش موكيت
وهني في بيت اهل زوجي سيراميك بس بعد تعبت من كثر التبديل والتنظيف..
كلمت كم مرة .. وصل التهديد.. وكلمه ابوه لأنه يخاف من ابوه ويسمع كلامه.. كلمه جده لأنه نفس الشيء يحبه ويخاف منه..
بس نفس المشكلة ولدي مب راضي يفهم يعني صار على هذا الموضوع اسبوعين.. ابد ما يقول انه يبي يسير الحمام مع انه اللي في عمره كلهم تعلموا على الحمام .. واحس اني واايد محرجة منهم لأنهم يعقون علي وعلى ولدي كلام...
ساعات يقولون انه غبي ويستهبل بس هو ماشاء الله عليه فطين وذكي ويتكلم احسن منهم بس ليش صار هذي الحالة معاه ماادري..
كلهم اللي بدؤا بعده تعودوا بس هو لا.. يعني صاروا ينامون بدون حفاظ بس انا ما اقدر ويطلعون بعد بدون..
والله مب عارفة شو اسوي معاه..
لا تقولون ان تبول لا ارادي او عنده مرض.. انا فحصته وكل شيء عادي معاه قال الدكتور بس قال حاولي معاه مع انه في سن لازم يكون خلاص تعود..

انا احاول وساعدوني كيف اتصرف معاه يعني الثقيلة يسويها دايما بثيابه وانا بعد احاول اني اعلمه واقعد معاه والحق بسرعة قبل لا يوصخ واديه الحمام بس بعد مافي فايدة..

ارجوكم لا تبخلوا علي بخبراتكم مع اولادكم وكيف اتصرف معاه..

وجزاكم كل خير وجعل عملكم في ميزان حسناتكم