حنا طريقتنا بالقهوة نجيبها جاهزه ماهي محمره ولا مطحونه ونحمرها ونطحنها بالبيت ناخذ فنجال منها ونحطه في

البريق حق القهوة ونحط نصه مويا حاره ونخليه ربع إلى نص ساعه على النار تقريباً ونحط في الزمزمية ربع ملعقة

صغيرة زعفران ونحط شويه مويا حاره عشان ينقع الزعفران ويبين لونه ونخليه 3 او 5 دقايق بعدين نحط ملعقة

صغيرة هيل وربع ملعقة عويدي او مسمار وشوية حليب سايل و بعدين نصب القهوة في الزمزمية وبالعافية

اهم شي مع الخلطه القيصميه ريحاها تشق الراس
مسحيل اسوي قهوتي بدون الخلطه ياحبيييييلها حتۍ زوجي ادمنها خخخخخ

ممممم انا نفس الشي ماتزبط معي قهوووتي ابد طعمها ماش مو حلو

قبل لا اتزوج كنت اسوي قهوووه وطعمها يجنن

بس من تزوجت مدري وش فيني ماعرف اسوي قهوه وماتزبط

انا طريقتي احط 3 كاسات ماي مغليه وملعقتين كبار بن
واخليهت تغلي واا غلت اقصر عالنار واخليها ربع ساعه

واحط بترمس القهوه ملعقه صغيره من الهيل والمسمار والنخوه كلها اخلطها سوا بمطحنه الهيل واحط يمكنملعقه صغيره وشوي بهارات القصيم

وبس اصب القهوه عليها

بس ماش مو حلووو طعمها ماتعجبني

مدري الغلط وين مع انو نفس طريقتي عند اهلي

والبراد اللي اسوي فيه القهوه البراد الاصفر ؟؟؟

شوفي انا اكره ألقهوه الي فيها حليب ومبيض والطريقة الصحيحة حطي مويه وشوي زعفران في مزل ألقهوه الصغير واول ماتغلي المويه حطي فنجال قهوه بن وخليها تغلي ربع ساعه وسكري عنها النار وخليها خمس دقايق بدون نار في الترمس حطي اربع ملاعق صغيره هيل واذا تحبين مسمار حطي على راس الملعقه وصبي فوقها ألقهوه بالهداوه اول شي شوي ورجيها وبعدين زودوها الين الاخير وسكريها وخليها دقايق وقدميها

اللى ماتدرين ليش الحليب يوازن اللون لاغامق ولا فاتح ويفضل للبن الغامق حيييييييييل والبن الوسط ممكن تستغني عنه ويكسر حد اللون الاصفر اللى من الخلطة القصيمية وترا الحليب شوي بين اصابعك مرتين مو كبشه والا ملعقة كبيرة