كيف اعمل من هذي الاصناف وجبات لااطفالي بحيث انهم يحبونها وتكون لذيذه

ياعمري انا بساعدك ولايهمك والاطفال مايجون غير بالحيلة انتظريني وياليت تراسليني على الخاص

السلام عليكم اخت (فاقده روحك )
الصراحه صادقه الاطفال ما تقبلون اي اكل مفيد لهم لكن حنا لهم بالمرصاد,
عموما ,,
بالنسبة للحلبه وش رايك تحطي شوي منها مع مرق او مرقوق او أي صينيه في الفرن ي صينية الخضار وكمان اذا كان في مرحله يشربوا الحليب بالرضاعه حطي ملعقه صغيره من الحلبه مع الحليب مطحونه على شان يشربها والافضل تعطينه الحليب بالحلبه اذا كان جوعان مررره او توه صاحي من النوم بيشربه من غير راي لانه جوعان. ومع الوقت زدي اكميه بيكونوا قد تعودوا عليه الين توصلي للكميه اللي تشوفينها تناسبك.
وبالنسبه للحبة السوداء (حبة البركة) حطي مع المعجنات والفطاير فوقها ومع الحشوات .
وكمان مع حشوات الساندويش مثلا جبنه سايله مع عسل مع ذرة حبة البركه وكمان مع حشوة التونه بانك تهرسين التونه وتخلطي معها شوي جبن سايل وشوي مايونيز وذرة حبة البركه وكمان ذرة سماق وملح وكمون وفلفل ابيض.
وبالنسبة للفواكه جيبي إناء الفوندو وسيحي فيها شوكولاته او حطي من عندك شوكلاتة نوتيلا وقطعي لهم برتقال وفراوله وتفاح وموز وكمان كيوي راح يغمسون وياكلون بإذن الله.
وبالنسبه للمرق اذا كانوا ما يحبون ياكلون الخضار اذا استوى المرق بالخضار اطحني او اخطي المرق على شان تختفي المعالم ويشربونها بس لا تنسي الحلبه مع المرق .
وكمان الزبادي حطي معاه عسل وحبه سوداء وبياكلونه طعمه لذيذ.
وكمان زيني لهم عصير يتمون من موز وزبادي وتفاح وبرتقال وليمون بيصير ثقيل وسموثي مرررره لذيذ.
وكمان المحلى مررره كويس للنحاف لان مكون من تمر وطحين اسمر وزبده وحطي معه حبة سوداء .


وحبيبتي اذا كانوا نحاف بس في المقابل صحتهم زينه يعني مناعتهم كويسه لا تخاطري وتعطيهم علاجات وفيتامينات خلي حيلك لهم بالاكل من البيت احسن لهم وركزي على الكالسيوم والحديد لعضامهم وفتامين سي لمناعتهم .لان هذي الاشياء ماراح تبين الا اذا كبروا ووصلوا بأعمارهم بسن المراهقه والعشرين. فمرحلة الطفولة مرحلة بناء وتخزين للمستقبل .


واخير تقبلي مروري
وان شاء الله تشوفينهم بارين فيك يارب

لااله الاالله

بنات أحس الحلبه حرام نعطيهم مساكين يمكن تسمنهم ومايقدروا اذا كبروا ينحفوا

انا احط حبة البركه مع البيض المقلي ومع الجبن والمعجنات