كيف اعوض طفلي ؟!

السلام عليكم و رحمة الله و بركاته
قبل كل شي اتمنى النصيحه من الكل لعل كلمة تساعدني
اللهم لا اعتراض على قضائك
انا عندي ولد عمره سنتين الحمدلله ما اشتكي من شي
الا من الظروف المادية الصعبه لا تجي وحدة تقول الفلوس مو كل شي
لا و الله ان وجودها يحل مشاكل كثيرة ولا ما كان الله سماها زينة
المهم انا في منطقة مغتربه عن اهلي و اهل زوجي
طفلي بكري وحيد جيراني منطوين ع انفسهم
ما عندي الا 2 وحدة منهم علاقتي مرة سطحيه فيها و الثانيه الله يرزقها ما عندها اطفال
ولدي يمل و يطفش من كل شي و انا ما الومه
لا اطفال حوله يلعبو معاه و يفرغ طاقته
العابه مل و طفش منها
افكر اخذ له العاب تعليمية اتفرج ع الحسابات و كذا
بس المادة كيف اشتري له ؟ بتقولو خذيه حديقة و لا ع البحر يلعب و كذا
بس المادة منعدمه حتى السيارة خررربت ع الاخر و الله نطلب الجيران لو احتجنا اشياء ضرورية
من جد ضاقت فينا فجأة و ننتظر الفرج و مؤمنين بقضاء الله
صار يحوس و يخرب بالبيت ما اقدر اطبخ ولا انظف الا بشق الانفس لانه ورايا طول الوقت
ما يترك شي بحاله الله يهديه بس ارحمه انا بنفسي انخنقت و ضاق صدري من ضيق الحال
كيف هو جاهل ما يدري باللي حواليه
ساعدوني بشي يلهي الولد و يضيع وقته و يكون بفايدة
مع اني اعطيه من وقتي و الاعبه باللي اقدر عليه الله اعلم بحالي حمل و ضيق حال الحمدلله
و بالنسبة للحضانه هل فكرتها ناجحه في حال تحسنت ظروفنا ؟؟!
فكرت اسجله لو 3 ايام بالاسبوع ع الاقل ختلط بالاطفاب يلعب و يتعلم
انا ايش بقدم له !؟ ولا شي احس اني ما استحقه مو قادرة اوفر ابسط الاشياء


اللهم ارحم ضعف قوتي و قلة حيلتي و فرج عنا ما ضاقت به صدورنا 💔