كيف اعيش بدون شغاله

السلام عليكم والرحمه

بنات انا محتاجتكم ضروري في قرار ابغى اتخذه ومره متردده

انا من بيت اهلي ماعمري اشتغلت يعني مثل اغلب البنات ماطبخ ماكنس مااغسل علي من نفسي وبس

تزوجت وجلست سنه بدون شغاله وكنت حامل طبعا بس كانت احلى ايام حياتي كان بيت يلق من النظافه

وجتني طاقه وتعلمت الطبخ وكل شي اسويه بذمه وضمير وزوجي ماكان يقصر يشيل المواعين معاي ويغسل

ويحط ملابسه وحتى مرات ملابسي بالغساله ويغسلهم عادي يعني ماعنده حركات بعض الرجال

الموهم جبت بنوته وصار عمرها 8شهور وحملت مرة ثانيه وقدمت شغاله سيرلانكيه ماتعرف تطبخ وحيل كسوله

بس عاد كانت شقتي صغيره وترتبها وعلمتها تسوي بعض الاكلات واهم شي تهتم ببنتي

وولدت والحين صار عمر بنتي 3 سنوات وولدي سنه ونص وراحت الشغاله وجبت وحده ثانيه فيتناميه ماتعرف

لاعربي ولاانجليزي ولااي شي وبديت اعلمها النظافه وكذا وكانت قرما بس نقلت بيت ثاني دورين هو مو كبير مره بس انه دورين

واشوف انها صارت كسوله بس تغسل بالملابس اما البيت تتركه على حاله

الزبده اني احس اني اهملت عيالي مع الشغالات وصرت كسوله حيل ومره اتعب من الرباده اللي تعودت عليها

والشغاله عيالي يكرهونها واحسها لئيمه شوي يعني تضرب بداعي التأديب بس عاد ماحب الضرب

هم اطفال وش دراهم وهم عسولين مو اشقياء

ابي اعيش حياتي بدون شغاله يابنات اللي ماعندها شغاله وملحقها على عيالها وزوجها ونفسها وشلووووون

اختي ماعندها واحسها مره تعبانه بس هي مو موظفه انا موظفه ودوامي من 8 الى 12 يعين بس 4 ساعات

وش اسوي فيهم ب هالاربع ساعات علموني ع كل شي وشلون ارتب حياتي بدونهاااااااا

استغرب تجي وحده تكتب نومت عيالي وتزينت وسيرت وطلعت وجيت شلووووووون طيب

ارجوكم ابي اللي ماعندهم شغالات يقولولي كيف اتصرف

للعلم جيت ابي اتنازل عن شغالتي لقيت الناس يترجوني عليها الحريم شوي ويبكن عندي اسئلهن موظفات

يقولن لا بس تعبنا نبي شغاله وبصراحه انا خفت اتنازل عنها واتوهق