كيف اعيش حياتي مرتاحه

السلام عليكم




خواتي ترددت كثير ان اكتب مشكلتي لكن لعل من يعطيني رايي يغير فيه حياتي للافضل ان شاءالله




اولا اللهم لك الحمد والشكر على جميع ماانعم به علي..انا باختصار من عائله تتكون من 3 بنات لله الحمد يقال ان اشكالنا حلوه وذوات خلق ودين انا ترتيبي 3 الاصغر سناً جامعيات لكن لم يطرق باب بيتنا الا خاطب واحد وهو لله الحمد زوجي ورزق خواتي وبنات المسلمين ياارب لكم ان تتخيلون فرحه اهلي وخواتي تزوجت من شخص الحمدالله محترم خلوق وطول فتره تجهيزي كنت احلم بالاطفال انا امنيه حياتي في هذه الدنيا الامومه ودائما كنت اقول حق امي يمه ادعي لي احمل بليلتي سبحان الله قدر الله ان تمر 3 سنوات من زواجي من غير مااحمل رحت لاكثر من دكتور يقولي عندك تكيسات خفيفه اخر دكتوره ارفضت تعطيني اي علاج الا مابعد زوجي يحلل هنا كانت الطامه وياليت هاليوم ماجى تحليل زوجي صفر الحمدالله اكيد الله اختار لنا الافضل والاحسن لنا زوجي انهار نفسيا صار يتفزز في الليل يبكي وانا معاه واقول وشو اللي بيدي اسويه مالنا الا الدعاء واصبره من هالكلام زوجي تحول من انسان لطيف الى انسان عصبي جدا جدا جدا يفقد اعصابه وبعض الاحيان يتلفظ بالفاظ تضايقني بس اعذره واقول هو تحت ضغط وصار لما يشوف اي طفل يمسك يدي مثل الاطفال ويقول خاطري ولو بواحد يقطع قلبي كنه طفل اقوله قول يارب ان شاءالله يصير عندنا 10 ربي اذا اعطى ادهش تمر الايام وربي يقدر اشتغل وكل زميلاتي حمل 5 ومااوصف لكم الكلام والمواضيع وانا قلبي يتقطع وتغيرت من ناحيه زوجي كثير ..محتاجه رايكم كيف اقدر اتغلب على نفسي وضعفي اثناء مازميلاتي يتكلمون ماله ذنب هالانسان ان اعذبه وانفصل عنه وهو ماله يد باللي فيه وفي نفس الوقت افكر ليش انا اتعذب انا ضايعه ومتشتته محتاجه احد ياخذ بيدي ويقويني وشو اللي اسويه دوامه كيف اطلع منها




يارب يارحيم لاتكتبني انا وزوجي عقيم..
ربي لاتذرني فرداً وانت خير الوارثين..