كيف اعيش حياتي واطنش مثل هالناس ولااخاف من شي

السلام عليكم
موظفه وعندي ولدين صغار وتعبانه مره معهم متوتره من كل شي واشيل هم كلشي واخاف من كل شي عمري 40 سنه مدري وش جاني فيني طفش مره مالي خلق على الدوام ابد ابد وماشاءالله تبارك الرحمن غيري عندها اربعه اطفال خمسه ورايقه مروقه مبين من شكلها وشغلها تفكر بخطط للدوام وتجيب وسائل واغراض كن ماعندها مسؤوليه وانا وصلت لدرجه مااقدر اغير ملابس الدوام من الملل احس ودي اجللس وبس مالي نفس على الحياه والتفاعل مع اي،شي عندي زوج مثل الزفت الله يكرمكم خسيس شفت مواقف معه تصعب ع الكافر والله والله محد يتقبله ولايتحمله من الدناءه اللي فيه اقوله ماعندي الا قميص واحد للشتا يقول شوفي زوجتي الاولى ماعندها حتى بطانيه تدفى فيها بخيل مره مره مره
والدوام كل ماله يصعب وبعيد مره عن بيتي ارهاق مره نفسيا وجسديا والراتب كله قروض وقطات مايبقى ريال استمتع فيه واهلي مااشوفهم الا كل سبع شهور بمنطقه بعيده تتوقعون هالاسباب هي اللي خلتني كذا مالي نفس بوضعي التعبان
وودي اشيل هالخوف من كل شي نفسي اموت قلبي مثل هالناس لو اجلس عن ال*** خمس دقايق اكون على اعصابي وغيري تجلس عن حصصها اربع او خمس حصص جالسه تضحك مافكرت بااحد واي شغله بالمدرسه المعلمات مطنشات وساحبات وانا اتنافض اخاف من المديره تهاوشني او تفشلني وهن والله مافكرن بااحد ومن هالوضع احس قلبي تعب مره وشاب راسي من هالتفكير الخوف والتوتر من اي احد وبديت انسى كثير وفقدت التركيز مخي مااش
نتيجه هالشي ضعفت مناعتي وجتني المراره وتقرحات بالمعده وجرثومه
وعيالي ياربيه يجننو بلد وهم اثنين بس يمكن لو اربعه قد مت
كلامي على بعض ومدري وش اقول هي فضفضه وابيكم تشاركوني ابي بس اموت قلبي ولا اشيل هم شي بالحياه عشان اقل شي وجهي يزين ونفسيتي تتحسن