كيف اغذي طفلي في عمر الست شهور ؟

اولا. الادوات اللي تستخدميها زي الملاعق والصحون خذي لها غسول الاطفال في من ماركه بابي او بيجون تجي بالصيدليات او السوبرماركتات وسنتر بوبينت مثلا.
بالنسبه لاكله انتي تنظمي له جدوله بمعنى ٣ وجبات رئيسيه باليوم فطور وغده وعشا وبينهم ٣ رضعات والرضعه تعتبر وجبه طبعا وسناك.
مثلا الصباح بدري مره على ٥ او ٦ رضاعه.
اذا صحى ٩ او ١٠ او حتى ٨ سيريلاك
الساعه ١ او ٢ الغده
الظهر اذا قبل غفوته رضاعه
والعصر سناك فواكه
ثم العشا
ثم قبل النوم رضاعه
اخر رضعه تكون مثلا ١٢ او ١ وخليه ينام من غير رضاعه بالليل افضل له اذا صحى بس مويه او لهايته.


وجباته انواعها تدرجي فيها واقري ثقفي نفسك
حاليا لازم تجربين كل نوع فاكهه او خضار ٣ ايام
وتعمليه ناعم. زي الكوسا القرع اليقطين البطاطس
والفواكه تفاح كمثرى موز
ابعدي عن الفواكه الموسميه لان ممكن يتحسس منها زي الكيوي الفراوله المانجو المشمش الخوخ الشمام الكرز
ثم اذا جربتي كل صنف لحاله سجلي اي تحسس مثلا مغص اسهال ترجيع حبوب وابدي بعدها اخلطي اكثر من صنف طبعا من اللي ما يتحسس منها
على الشهر ال٧ دخلي الدجاج الشوفان الرز
على الشهر ٨ السمك واللحم والمكرونه.
على الشهر ٩ البروكلي المشروم الزبادي والجبن
على الشهر العاشر المفروض عادي ياكل من اكلكم
رغم الافضل الملح والسكر لبعد عمر سنه
ومن بعد السنه عادي حليب العادي.
وخذي مثلا بودينق من الصيدليه او دانيت له بعدين حلو وسهل كسناك.
وبعدين تقدري تعطي البيبي عصاير فريش مره مفيده ولا تنسين المويه ضروري جداا