نجووو29 @ngooo29

عضوة جديدة

كيف اغير شخصية ولدي

السلام عليكم ورحمة الله وبركاته
كيفكم بنات
ولدي يدرس خامس الله يصلحه متعلق في ولد عمه مررره ولد عمه ثالث متوسط ويتمصلح في ولدي كثير وولدي يسمع كلامه حتى لو مايبغا مدري حب مدري خوف مثلا لو عطيت ولدي خمسه ريال وراح البقاله معاه لازم ياخذ من الخمسه هو واخوه الي اصغر منه رغم ان معه ذاك اليوم سبعه ريال بس يقول احتاجهاواذا معاه فلوس مهما كانت وولدي مامعاه مايعطيه ولا ريال منها وولدي اعلمه وافهمه بس يعيي يفهم يقول ماعنده الا شوي ماتكفي وبيشتري لاخوانه يعني
يجتمعون احيانا الخميس عند ولد الجيران ولدي يموت الا ويجتمع معاهم طبعا ويروحون يجيبون عشاء بماان المطعم قريب ولدي يبغا يروح معاهم هو وولد الجيران ينشبله ولد العم الصغير يقول انا بمشي معاكم وهم مايبونه فيخلون ولدي عنده يقعد يقعد وهو مايبي يسير البكيه في حلقه منهم بس وش يسوي دايم كل جمعه ع هالحال
وموقف اخر كان مع ولدي فطيره عطاه اخوهم الكبير وعطا الصغير فقام ولد العم الي بثالث قال هذي اخوي اعطاك عطني اياها قام ولد قال لا ويراكض ع الكنب وهو يطارده طاح جوال ولد العم بالغلط طبعا من ولدي طاح يوم يراكض وجواله مكسر وملهدم قام قال كسرت جوالي والله لاكسر جوالك قام الصغير نتف جوال ولدي من يده وعطاه اخوه وجا ولدي يبكي ويقول عطني الجوال فمسكوا عليه وساروا يعايرونه
طبعا السالفه ذي قالها الصغير لي وقعد يعايره وناظرني ولدي وقال كان مقلب بس سالفة انه بيكسر الجوال
كيف اخلي ولدي معد يسمع كلامه
وكيف اخليه معد يعطيهم اي شي ومعد يسوي اشياء على حسب نفسيته يسوي الشي وهو مايبي يسويه الله يصلحه
وسوالف كثير بس اختصرت لكم السالفه بالعربي هو اصلا مايطيق ولدي ولا يحبه وعيا ولدي يفهم

يلزم عليك تسجيل الدخول أولًا لكتابة تعليق.

تسجيل دخول

مؤلمه بذكرياتي • 5 سنوات

ولد عمه كبير عمره14او15كيف تخلينه يمشي مع طفل عمره11غلط ممممره🤦🏻‍♀️😭اقطعي علاقته معاه الا اذا بوجودكم

نجووو29 • 5 سنوات

مؤلمه بذكرياتي :

ولد عمه كبير عمره14او15كيف تخلينه يمشي مع طفل عمره11غلط ممممره🤦🏻‍♀️😭اقطعي علاقته معاه الا اذا بوجودكم

ولد عمه كبير عمره14او15كيف تخلينه يمشي مع طفل عمره11غلط ممممره🤦🏻‍♀️😭اقطعي علاقته معاه الا اذا...

مايكونون لوحدهم بالعاده معاهم ولد الجيران واخوه الصغيرهذا اذا اجتمعوا وهم الباب بالباب لاراح عندهم يكونوا اهله كلهم موجودين من هالناحيه انا حريصه

متفائلة دوم • 5 سنوات

فهمي ولدك ان لو عطاهم فلوس انك ماراح تعطينه مرة ثانية.. ولد عمه شكل اهله يحاسبونه ع الريال عشان كذا صار حريص ويبي يستفيد من ولدك..
اما روحة المطعم احسن لك يقعد بالبيت ماله داعي يطلع معهم اي مكان البيت احفظ له..

ومشاكله معاهم لان شخصيته ضعيفة ومتعود انكم تدافعون عنه.. علميه شلون يدافع عن نفسه بدون مايغلط ع احد.. وقولي له خلاص انت كبرت وهم بعد كبار ماقدر اتدخل بينكم في كل صغيرة وكبيرة..

ولا تدققين عند كل شي.. توقعي المشاكل بين الاولاد كل مازاد احتكاكهم مع بعض.. يكفي زيارة في الاسبوع

مؤلمه بذكرياتي • 5 سنوات

نجووو29 :

مايكونون لوحدهم بالعاده معاهم ولد الجيران واخوه الصغيرهذا اذا اجتمعوا وهم الباب بالباب لاراح عندهم يكونوا اهله كلهم موجودين من هالناحيه انا حريصه

مايكونون لوحدهم بالعاده معاهم ولد الجيران واخوه الصغيرهذا اذا اجتمعوا وهم الباب بالباب لاراح...

خليه يتعرف على اخوياه اللي معاه ب المدرسه ويوم ب الاسبوع يعزمهم ف بيتكم خلي علاقته فقط مع اخوياه اللي كبره بسن بس لاتخبرين زوجك والا زوجة عمة ولدك انك انتي اللي مانعته يروح مع عيال عمه

SHAH12 • 5 سنوات

رتبي علاقته صح كذا راح تضرررره كثير ، عرفيه على احد بعمره وكفو حاولي احد من اهلك اما اللي عمره ١٥ هذا جاي جالس طقطقه مافيه مراهق بيجلس مع طفل ، لاتتكلمين معه بهالموضوع قوي شخصيته بشكل عام وعلميه ان الاستغلال خطا وهو راح يفهم ويقيسها على علاقته مع ولد عمه ، انتي حاولي تمنعينه بانك تبون تجلسون جلسة عائلية او اطلعو حدائق او مكان .