كيف اغير شخصيتي

كيف حالكم بنات
بدخل بتفاصيل المشكله قد ماقدر انا كبرت وخلصت طاقتي
من المشاكل انا مشكلتي كلها كلها بالحياة (طيبتي الزايده)
اللي وصلت حد الغباء
من سنوات من قبل اتزوج وبما اني البكر كنت
ابدي
خواتي والناس على نفسي خاصه اهلي كنت اضحي واقطع نفسي لهم يمين بالله كنت ومازلت
كنت اسوي اي شي يطلبونه مني لدرجه وصلت انهم
يتكلمون ب اسلوب امر يعني مثلا سوي اطبخي صلحي
كنت اسكت واسوي وانضضضصضضغط
وآخر شي انفجر بوجه احد ي امي او اختي او اي احد
مع اني ماعرف حتى ولا اتهاوش مثل البزر أسلوبي
وابكي لكن اندددددددم اني ليش قسيت
عليهم
ليش قلت كذا خاصه اهلي متعودين اني طيبه وساكته
وضعيفه فلما يشوفوني اهاوش او مضغوطه
مايراعوني ابد
بالذات امي خلاص متعوده على كاني شغاله لها ولبناتها
مثال
من كلام خواتي اذا شافوني معصبه مثلا
ان كل شي على راسي
تصدقون اني ايام السفر
كنت انا أتحمل كل شي اسوي العزبه
وارتب كل اغراضهم وملابسهم
ولما نروح الشقه ويجلسون خواتي يفتشون
ولا يحصلون اللي يبون يجلسون ينافخون علي
تقل اني اصغر عيالهم
زي ماجبتي الشي الفلاني ؟
ماجبتي بنطلوني ؟
ماجبتي واقي الشمس حقي ؟
ماجبتي المكياج؟
ماجبتي الشنطه الفلانيه؟
ولما اعصب من الضغط وأقول انتم ليش ماخذتو
اللي تحتاجون ردهم
مو ب فاضين كنت نايمه
عند باختبار انتي فاضيه
او تراك باعوص خربتي السفره بس منفسه !!
تراك حومتي اكبادنا وخربتي سفرتنا
بقولكم مثال
قبل فتره سافرت مع اهلي وشفت محل كوكيز يحبه اخوي
جيت جبت له على حسابي
وعطيته بالبيت وقلت له بمزح ترا المره الجايه
اذا وصيتك على شي هاته لي لان دايم اوصيه ويسحب علي
قالي (على خرا اقول )
اختي جلست تضحك قالت تستاهلين
قايله لك لاتجيبون له شي ماتفهمين
اختي هذي عارفه لكل الناس والبيت كل همها نفسها وبس
لكن تحط كل كل حرتها فيني
مثال
هي شافتني طيبه وساكته لما تنضغط او لو تنفس
تطلع حرتها فيني تنافخ وبهاوش
ومره رديت عليها بنفس طريقتها بنفخ وصراخ
وجلست تبكي وتضرب نفسها زي المجنونه
وانقلبت السالفه كلها علي وامي وقفت معها ضدي وقالت لاتجين لنا دامك كذا
ونفس الشي مره كنا مسافرين وانا مشتريه بوكس
دونات
وحطته جنبي وجني اختي فجاه وهي اخذه غفوه
صار تحتها يعني نامت عليه جيت قلت لها
بعصبيه انتي خير نمتي على البوكس وسافهتني
ماكاني اتكلم قسم بالله صرت اسحبه من تحت جسمها
واهاوشها اقول لانها اكلت خلاص ماهمها
وطلعته وقلت غبيه ماتستوعب!!
جلست تبكي !!
وطاحت كل السالفه علي
بحجه انها مادرت !!
امي للأسف احملها كل اللي جالس يصير لي
هي الغت شخصيتي ونهائي
وكبرو خواتي على اساس انا امهم الثانيه ولازم لتحمله كل نفسياتهم
وكان شي اجباري اساعدهم
المصيبه اني طيبه والله كنا لما نسافر انا ادفع لاختي كل شي
اوبر كافيهات مطاعم غاليه
مع كل هذا مايبين بعيونها للأسف
تنافخ علي وتأفف
وتجلس مالها خلق مصنمه
لكن لو فيه احد غيري تعالو كيف شوفو وجهها يتغير والضحك والسؤالف
انا زي ماذكرت مشكلتي الطيبه الزايده والرحمه
يعني للحين ندمت لما اهاوشه بالسياره عشان بوكس الدونات قلت ليتي اكلت تبن واسكت!!
ولا جرحتها وبكت
اختي من كثر ماهي مو متعوده ان احد يهاوشها
او بضغطها تبكي على طول لما اجي ادافع عن نفسي
او ارد بحجه غثتني
اني انا اغثها وأنفس وتبكي ليش تسوي كذا
وانا اندم قد شعر راسي لما تسوي كذا دايم اقول ليتي ساكته
لكن كل ماسكت كل ماندعسسسسسسست
زياده الأهل المفروض واشوف اغلب الخوات كيف مره مع بعض
ويبدون كل وحده اختها الا اختي مدري وش فيها علي
والله حتى لما تكلمني ماتشوف وجهي تكلم بطرف خشمها
وبنفخ
وفيها انانيه فضيعه لما تدري زي زمان لما عرفت
ان معي حافز صارت تتمصلح معي وكل يوم اطلعها
واسوي لها واحط لها بالنهايه لما خلص
رجعت لطبعها وحركاتها
وانا طبعي ابدي خواتي على كل اقاربي وصديقاتي
هم عكسي يبدون صديقاتهم وقريباتننا علي
بالذات وحده من خواتي مقطعه نفسي لها
بالنهايه تبدي اي احد تشوفه علي
مره على ايام كرونا كانت تبي تشتري اختي شنطه ماركه
غاليه ومعنا قريبتي
قدام قريبتي
تقول روحي اجلسي روحي للمحل الثاني لما نخلص!!
يعني البنات اللي اعرفه لما تجي تشاور بحاجه
تشاور امها اختها مو قريبتها!!
جت قريبتي على نياتها قالت لا فلانه تعالي معنا
انا فاهمه اختي وعارفه حركاتها اختي فيها انانيه
عكسي تنسى كل شي وتنسى امي بعد لوناستها
وهي وناستها مع قريباتي ذولا
والمصيبه لما نرجع نجلس تحش فيهم عندي وتقطع جلودهم
المهم جينا ندخل المحل قالت تبع فندي اللي تبيع
انه ممنوع الدخول الا ثنين عشان كورنا قلت انا
خلاص ادخلي يافلانه مع اختي انا بجلس
قالت لا والله انا وش دخلني اختك هي ادخلي معها قلت لا والله ورجعت جت اختي سحبت قريبتي
قدامي ودخلت. وسحبت علي
بنات انا كل ماكبرت كل ماصرت مكسوره
وضعيفه سخصيه اكثر من قبل خاصه مع اهلي
فيني زي الفوبيا والسبب امي الله يسامحها
من كنت طفله عودتني وذلتني ان كل شس علي
وكاني مو بنتها كاني خدامه لها ولعيالها
فيه امهات كذا ماتصدث تجيب بنت بكر عشان تكرفه
وامي من هالنوع
وياليت مبين فيها ع قد ماقطع نفسي لهم ع قد
ماتطيقني امي تموت لخواتي الأصغر اللي قسم بالله
بس بغرفهم ولا يدرون عنها
وأنها طول وقتها لحالها لكن امي تموت عليهم
خاصه وحده انانيه وملسونه ولو تبين ذنب ماتعطيك
امي تعشقها عشق ولا تصدق فيها
شي ولما اجي ادافع عن نفسي او اقول قدام امي
انا مالي دخل كلن يخدم نفسه او بناتك هذا كبرهم
تعصب وتتهمني اني اغار ؟؟
يعني ياما اخدمينا وصيري زي الشغاله عندهم
او انك تغارين !!
تمنيت أمنيه اني قويه ونجسه وشريره وانانيه
لان اكتشفت مايعيش الا هالنوع اللي مثلي
يندعسسسس من كل مكان الطيبه قسم بالله انها ضعف
وضعف شخصيه مافي شي الحين اسمه طيبه