كيف افسر تصرف خوات زوجي

كيف افسر تصرف خوات زوجي  انا عروس لي تقريباً ست شهور وانا الحمد لله صريحة وماعندي كيد بعض الحريم المهم  مره كنا مجتمعين كلنا خوات زوجي وسلفاتي ودار بينا نقاش ان بعض الازواج مايحترم اهل زوجته اويسبهم قدامها انا قلت انه مو من حق الزوج   يسب اهل الزوجة وتسكتله لازم تأخذ موقف وتوقفه عند حده  انا قلتها بشكل عام يعني هذي وجهت نظري للموضوع وسكت وراحت السالفة الا بعدها بليله جاني زوجي زعلان ومعصب باين عليه واسأله وش فيك يقول مافيني شي وجلس مايناظرني وذا تكلمت معاه مايرد وذا رد رد بعصبية انا قلت مو معقول تقعد كذا اذا كنت زعلان مني علمني خلني اعرف وش انا مسويه قال اصلن انتي ماتحترميني وماتقدريني عند الناس وتكلمين عني قدامهم  انا استغربت اصلن انا خجولة نوعا ما ولا اتكلم عن زوجي كثير غيعني بحدود قلت ليه وشنا قايله قال خواتي يقلن انها ماتحترمك وتسبك قدامنا وتبي تسيطر عليك وتوقفك عند حدك من انتي عشان توقفيني عند حدي انا طارت عيوني وتذكرت كلامي يوم نتناقش هذيك الليله بس مادري انا اضحك ولا ابكي مادري كيف افهمنها  اني اقصد زوجي وانا والله ماقصدته هو انا تكلمت بشكل عام بأن مايحق لزوج يسب اهل زوجته قدامها وماتدافع عنهم وبعدين حتى هو مدري شلون فهمها او كيف فهمنه الموضوع قلتله انت من جدك تحكي هم قالو لك السالفه كلها قال ايه اجل تبينهن يكذبن علي قلت انا ماقول انهن يكذبن بس هن فسرن كلامي خطاء اني اقصدك وبعدين انا تكلمت بشكل عام ياناس ماقصدتك ولو لاسمح الله قلت فيك شي قدامهن المفروض ماينقلن الحكي كذا ويشيشنك بالطريقه هذي فما بالك بشي مو مقصود سكت وبعدين قال انهن يحبني ويبي ينبهني الحين انا مصدومه شلون ابتعامل معهن وكيف اخذ راحتي معهن اذا كان كل كلمه يبي يركزن عليها كذا وبعدين هل كلامي يفسر زي ماقالن بديت اوسوس