كيف افطمه ؟؟؟؟

بسم الله .. السلام عليكم اختى العزيزة ..
اولا مبروك عليك .. الحمل .. وثانيا كان الله فى عونك وعون صغيرك .. الحمد لله انك انتبهتى لموضوع حملك ... وذلك للاسراع على فطم الضغير .. وانت عارفة ان هذا الحليب أصبح ماله اى فايده .. بل بالعكس يضره اكثر مما ينفع ( الله يحفظه ) فى البداية راح تتعبين فى الموضوع خاصة انه ما ياخذ رضاع ( الحمد لله) لكن اشرايك بما انه عمره سنه تعودينه على شرب الحليب بالكوب مثل اخوانه ولما يشرب يشربون عنده عشان يتعود معاهم .. وياخذ وجباته زين حتى ما يحس بالجوع .. مشكلة الليل لما يقوم تكون مدفيتله الحليب بالكوب وتعطيه اياه .ز بالاول فيها شوية صعوبة بس بعدين بيتعود حتى ما راح يقوم وايد لانه الحليب الصناعى ثقيل على المعده .. ويفضل تعطينه حليب طازج .. تفورينه وتحطينه فى الدله دافىء .. عشان لما يقوم ما ياخذ منك وقت بتبريده ..واحذرى ان تعطيه الغرشة ( الرضاعة ) لانك بتحصلى صعوبة فى ابعاده عنها .. الكوب اضمن لك وانظف لك ووووووووووووووووووووووو ..... واذا فى اى استفسار ترانى بالخدمة . وعلى فكرة انتى ما راح تحسين بالام الفطام الحين لانه الثدى محتق من الحمل اساسا .. الله يعينك ويسهل عليك ...
بالنسبة لموضوع الشغالة انا قراته اليوم فقط .. والبنات الحمد لله ما قصرن .. وانتى احمدى المولى انك ربة بيت بس فعلا تحتاجين احد يقوم معك .ز اخذى النوع اللى ترتاحيله لانك اساسا موجودة فى البيت .. بس مثل ما لاحظت البنات ما يشجعون على الاندونيسيات .. ومعهن مليون حق .. اعذرينى للاطالة .

الله يعطيك العافيه
لكن امس ما نمت زين الحليب ساير كثير لدرجة الم فضيع ما عرفت ايش اسوي خليت ولدي يرضع وهوه نايم عشان ما يحس لأني طول النهار وانا ابعده عني والله قطع قلبي بس اذا تعرفين طريقه تخفف احتقان الحليب في الثدي
مشكوره عمري :27:

فعلا الله يعينك على هالتعب .. مجربته والله .. بس تعرفين ما كان المفروض انك ترضعينه بالليل .. ادرى انه شىء مو سهل بس .. اغصبى على نفسك عشان مصلحته ... مع ان الطبيب يقول ما فى اى ضرر انه الوحده ترضع طفلها وهى حامل .. بس بالنسبة لى احسه انه له ضرر كبير .. واعتقد مو متاكده انه فى حديث شريف بس ما اذكره واخاف ان يكون ضعيف .. بس دامه موجودة البدائل استخدميها ..فى وقت النهار حاولى تبعدينه عنك .. ( اذا امك أو احد من خواتك عندك .. يساعدك فى ابعاده عنك .. خاصة الطفل كل ما يكبر يتعلق كثير بصدر امه ويفضل حليبها على الاكل .. بس الهيه وابعديه .. وعلى الجوع بتلاقينه ياكل ويشرب ... ووقت الليل شربيه واكليه عدل ...

بالنسبة للاحتقان .. كنت كاتبه موضوع بالتفصيل عن الرضاعة الطبيعية وسويتله بحث وللاسف ما لقيته ... !!! :30:

وفيه كيفية التعامل مع الثدى المحتقن ..
بالاول عليك انك تلبسين حمالات قوية مو مرتخيه ، لا تعطين الطفل حليبك لانه كل ما انتى طلعتى الحليب راح تزيد وتتغير كمية بدالها.. وانتى تبين الحليب يخف ويقل .

حطيله كمادات باردة .. لانه الكمادات الساخنه تدر الحليب ..
واحدة من زميلاتى كانت تستخدم الملفوف البارد وتضعه على الصدر .
والله يساعدك ويهونها عليكم ..:24:

أبلة عطيات ..ما رأيك بفطام طفلك على حليب المصاص فهي أنظف وأسهل في الليل وخصوصا لمن لا تريد خادمة!!!!
بالنسبة لاحتقان الصدر يومان والله يعينك عليهم وبعدها ترتاحي إن شاء الله.

مرحبه ابله عطيات شوفي هاد الموضوع عن الفطام و ان شاء الله انو يفيدك
http://family2001.cjb.net/
الموضوع عند عنوان غذاء