كيف افهم امي انهم مايبونها؟

الأسرة والمجتمع

والله العظيم يابنات اننا بهالسالفه لنا ٨سنوات
متخيلين ٨ سنوات من القطاعه عساهم
يشوفونها باعز ماعندهم
امي يابنات لها خوات من الاب
واخت وحده من شقيقه
بحاول اختصر الموضوع مابي ادخل بالتفاصيل
امي واختها الشقيقه ماكانو يعرفون خواتهم اللي
من الاب الا بعد وفاة ابوهم امي لما تروح تسلم
على ابوها كانت تسال وين خواتي
يقولون نايمات طالعات يعني يصرفون مايطلعون
لامي ولا عرفوهم الا بعد وفاة جدي ليتهم
ماعرفوهم لما طاحو فيهم صار بينهم غيره
كل وحده تبي تكسبهم !! يعني خالتي تسوي وتمدح نفاق عشانه تكسبهم وامي تخدمهم وتمسك بزرانهم عشان
يحبونها اكثر خالتي فيها انانيه وحتى ابوها ماكانت
تزوره ولا تدري عنه فلما مثلا يخططون كانو خوات امي اللي من الاب ع طلعه او سفره
خالتي الشقيقه تتضايق اننا نطلع معهم تبيهم لها لحالها
كانت تسفهه بامي وترمي عليها كلام وتفشلها وسوالف
كثيره المصيبه ايش امي كانت مقطعه نفسها لشقيقتها
وربت كل عيالها وخدمت خواتها اللي من الاب ومسكت
عيالهخ والى الطبخ بنفاسهم تطبخ لهم
مع كل ذا فجاه قلبو على امي
ولا نفع فيهم المعروف
لما خالتي صارت تتضايق منا طقت براسها
تزعل ولا تطيقنا بدون سبب بحجه ان امي
تغار منها وان تفرق بيني وبين خواتي اللي من الاب وتغار مني ومن بناتي فجاه
دخلنا السناب وتشوف امي خواتها اللي من الاب مسوين
حفله لبنت خالتي الشقيقه ولا قالو لامي امي شالت
بخاطرها لان امي مقدره وتخدمهم وتركض لهم وبكل عزومه امي كانت تجيب
خواتها اللي من الاب فجاه هالنكران منهم
يعني امي كانت بكل عزومه تعزمهم ويجون يركضون
طلعنا من بكرا طلعه امي شايله كانت ولا سلمت على خالاتي اللي من الاب هنا حقد.
زي الجمل شالو كان امي ذابحه لهم احد وحقدو وكانهم
يبون شي عشان يقطعون امي ولقو ممسك على امي صارو
يستفزون امي بالسناب ٨ سنين طلعات مع خالتي الشقيقه سفرات حقلات زواجات عيالهم ولا يعتبرون امي اختهم قاطعينها قطع ويقهرونها بالسناب
ويستفزونها شفتو حركات الاطفال كانو مثلهم
اقسم بالله ان احيانا امي تبكي من قهرها وتدعي لانهم فشلوها عند الناس بزواجات وعزايم مهمه ماينادونها
لدرجه الناس يدقون يسالون امي ليش ماحضرتي
عرس اخوك؟
ليش ماحضرتي حفلة بنت اختك؟
ليش ماطلعتي مع خواتك
ليش ماسافرتي مع خواتك
امي ماعندها رد غير ماقالو لي!!
ولما الناس يسالونهم عن امي يقولون وين اختكم
ماجات كانو يكذوبن على الناس يقولون مشغوله
عندها طلعه
مايقولون مانادينها
مره كان بيتزوج خالي اخو خالاتي اللي من الاب
ولا عزمو امي امي راحت كانها منبوذه
دخلت لحالها وهم ذاخلين مع بعض
دخلت الزواج بحالها كان ماعندها اهل
وجلست لحالها وحتى لما دخلو يسلمون على خالي
مانادو امي معهم تدخل سحبو عليها
وجت حرمه قالت لامي ليش مادخلتي قالت دخلو
ولا دريت ولا علموني
وقامت الحرمه تستغفر وتتعوذ من ابليس
بنات والله ماقول كذا عشانها امي لا والله
لكن ظلمو امي بشكل ماتتخيلونه امي تبيهم وكم
مره حاولت تروح لهم ذلت نفسها لهم ذل لكن
مايعطونها وجه ولا يطلعون لها امي تحلف
انهم يقفلون على روحهم الباب عشان امهم ماتطق تحرجهم
احيانا ابكي من قهري اقول لامي
وش تبين بهم
يعني ماعندك كرامه كذا تبين ناس مايبونك
ولا يعترفون بك ونابذينك ولا كانك اختهم
كل اهل امي للاسف كلاب وحقيرين
والمصيبه على ظلمهم لامي حياتهم ماشيه
من احسن شي لهم ٨ سنين بظلمهم وحياتهم
كل مالها تصير احسن واحسن
وامي كل مالها يزيد همها والمصيبه امي موب راضيه
تنساهم امي تبيهم مدري وش لاقيه فيهم
بس تدور اخبارهم وتسال عنهم وودها يعطونها
اشاره ترجع
تعبت يابنات وانا اشوف امي كل يوم من ٨ سنين
ضايق صد ها او متنكده او تجي تشكي لنا
او تراقبهم لدرجه مره بكت امي قالر بعزاي لايدخلون
من كثر ماهي تعبت من حركاتهم
يعني قاطعينها قطع مو طبيعي
مع كل هذا هي تبيهم كيف افهمها كيف اخليها مثلهم
قلبها حجر واخر همها هم
والله يابنات لما اتذكر كرف امي لهم وخدمتها
وظيبتها وطبخها وكل شي تسويه لهم انا انقهر
فما بالكم امي وتعلمت درس
الطيب والخدوم ينداس دوس الناس يبون
اللي يدعس عليهم كل ماصرتي قويه ولا تعطينهم وجه
وتدعسينً على الناس يلحقونك هذا اللي شفته
شفت الطيبه من امي ولا استفادت الا النكران
وشفت خالتي كيف داعسه عليهم ويركضون لها
ويحبونها بدون سبب وقطعو امي عشانها
هالدرس تعلمته زين والله يابنات
خلو الطيبه والمعروف لابوك وامك وبسسسسسس
لاتقولين هذي اختي وهذا اخوي
قسم بالله ماحد ينفعك منهم بعد اللي شفت
12
3K

يلزم عليك تسجيل الدخول أولًا لكتابة تعليق.

تسجيل دخول

SMAWY ألحان
SMAWY ألحان
وليش امك تكرف وتطبخ وطايرة منو طلب منها ؟؟؟؟
خليها تهجد في مكانها
ساره علي.
ساره علي.
وليش امك تكرف وتطبخ وطايرة منو طلب منها ؟؟؟؟ خليها تهجد في مكانها
وليش امك تكرف وتطبخ وطايرة منو طلب منها ؟؟؟؟ خليها تهجد في مكانها
للاسف امي مع الناس كذا هذا طبعها
جدا جدا خدوووومه حتى للغريب مابالك اختها
عجزت اغير هالطبع فيها
لما طاحت وكل امراض الدنيا فيها ضغظ سكر
وخالتي الاكبر منها مافيها اي شي
امي من قبل تكرف لاختها
وتمسك عيالها وربت عيال اختها
مع ان امي متزوجه وعندها بيت وعيال
بس ماكان ترفض كانت تمسك عيال خالتي
اذا سافرت واذا داومت لانها مدرسه
ولا استفادت منها الا الغيره والنكران
_هــــدوء_
_هــــدوء_
لاتدخلين بينهم وتأثمين
مهما صار هم أخوات
أمك بيجي يوم ربي يعوضها
الأرستقراطيه 👸🏻
للاسف امي مع الناس كذا هذا طبعها جدا جدا خدوووومه حتى للغريب مابالك اختها عجزت اغير هالطبع فيها لما طاحت وكل امراض الدنيا فيها ضغظ سكر وخالتي الاكبر منها مافيها اي شي امي من قبل تكرف لاختها وتمسك عيالها وربت عيال اختها مع ان امي متزوجه وعندها بيت وعيال بس ماكان ترفض كانت تمسك عيال خالتي اذا سافرت واذا داومت لانها مدرسه ولا استفادت منها الا الغيره والنكران
للاسف امي مع الناس كذا هذا طبعها جدا جدا خدوووومه حتى للغريب مابالك اختها عجزت اغير هالطبع فيها...
والله ما أدري أيش أقولك بصراحه


غريبه الأخوات يصير بينهم كذا



أمك تعيش حياتها وتنتبه لنفسها وصحتها
صحن ابيض
صحن ابيض
كل شوي معرف ونفس السالفه