كيف افهم امي بدون عصبيه!!

مرحبا بنات
بنات انا ضميري يانبني
لان مستحيل اذخل بنقاش مع امي
الا انافخ واصارخ عليها بدون شعور!!
بقولكم مثال
امي فيها شي غريب عجيب
تحس كل مثلا العيال اللي بيتزوجون عندهم فلوس وتجار
او تحس كل الناس اعلى منا
يعني حنا كل شي عندنا بس مع الاسف
امي ماتشوف هالنعم لدرجه احيانا
بالجمعات انحرج من امي!!
توضح انها مو شايفه خير!!
وهي عندها كل كل شي
هالشي فيها من كنت طفله
تحب تاخذ من الناس صدقات وملابس
صديقاتها المستعمله اللي مايبونها
فضلتههم!!
مع انها مب محتاجه ابوي موفر لها كل شي
ويمشي لها راتب 2000 بالشهر خاص لها
فدايم تحس كل الناس اعلى منا
وهي تحب تحسس الناس اننا فقراء
وتحب تستعطف الناس وانها ضعيفه!!
وتاخد فلوس 50 و100 من خالتي
لما صارت تستحقرنا خالتي
وصارت تدق امي بالهرج انك مشفوحه
وموب شايفه خير
امي تحسب الناس كلهم على كيفها
بقولكم مثال صار اليوم
صديقتي اخوها موظف عادي راتبه5000
ويشتغل مرسول
لكن ابوه الله معطيه وعنده خير
بس الولد معتمد على نفسه
قلت لامي خطبو له فلانه
قالت امي
حظ فلانه وامها بالذهب اللي بيجيهم!!
قلت ترا ناس عاديين وذهبهم
زي اغلبنا
ترا مب امير ولا صاحب سمو
قالت الا تاجر
قلت وين التجاره
وهو يكرف مرسول يوصل طلبات؟؟
قالت الا ابوه عنده فلوس
قلت وش دخل ابوه
ابوه بيعطيه حلاله يعني!!
وابوه عنده 10 عيال غيره
بيقعذ يصرف عليه لحاله. ؟؟
ولا اقتنعت ولا واحد بالميه
بنظره
ان البنت اذا تزوجت واحد ابوه تاجر
خلاص بيسلم زوجته صرافة ابوه!!
وان زوجته تجبره ياخذ من ملايين ابوه
على كلامها
مب مقتنهه ان الاب
ماله اي دخل بحياه ولده
وان الفلوس بعد عمر طويل
تقسم للكل
امي اي وحده تشوفها تزوجت
تقولً حظها اخذت احد يصرف عليها وعلى
اهلها!!
تحسه شي اجباري
ان زوج البنت يصرف ويعطي ام زوجته!!
كم مره انافخ بدون شعور
عشان تصحى
عشان ماتحرجنا بعدين
ان الزوج مب مكلوف بام زوجته
وان بعض الرجال
مايصرفون حتى على زوجاتهم
ولا تقنتع ولا تستوعب
والله اني اكثر من مره
انحرج بسبب هالشي بامي
لكن ماني قادره اغيرها
مع هذا كله اندم
اني عصبت او نافخت عليها
لكن امي مشكلتها
تحسب الناس وفلوسهم واملاكهم
على كيفها تصير اذا اخذو بناتها!!!!!!