كيف اقتصد؟؟

فهمت من كلامك ان راتبك مافيه بركه يخلص بدون ماتشعرين انك استفدتي منه....

الشي اللي يطرح البركه في الاموال هي الصدقه... حددي مبلغ مالي معين (مو شرط يكون ضخم) تتصدقين به من كل راتب وباذن الله تشوفين النتائج المبهره لان الصدقه لها فوااااائد كثيييره...

وهذا راجع لك اذا تحبين او لا ... اتمنى اكون افدتك..

اكفلي يتيم
وتصدقي
وساعدي المحتاج


الله يوفقك ويكرمك ويبارك لك في مالك

أختي افوعه صادقه شوفي حبيبتي عشان اوضح انا اخت دراقه الصغيره والحمدلله مخطوبه قالي خطيبي اول ماخذت المهر سمي بالرحمن وتصدقي منه شي بسيط وتذكري ان المبذرين اخوان الشياطين مع ان المبلغ بسم الله ماشاء الله كبير لاني بشتري الذهب والزهبه منه فاول شي سويته تصدقت وكل مااروح محل اريد اشتري شي القاهم يسولي خصم كبير والله واتوفق في المشتريات وانا كنت اسوي شي يوم ربي باركلي تركت هالشي له عشان الله يعوضني بخير منه وبشرت خطيبي واهلي واول وحده اختي دراقه ربي لايحرمني منها لاني حسيت القرب من الله حلو والشي الي خليته تشقير الحواجب اعرف بتقوليلي علماء حللوه بس انا تركته لله وعباتي الحمدلله الحين على راسي واشوف اموري تتيسر اكثر واكثر على ماتقربة من الله ذقت الشي الي ياما دراقه تقولنا ولا سمعناها والفضل لله ثم لها ربي يشفيها وزوجها الي في بالها امين ياربالعالمين وبقولج انا شو اسوي لان الوالد كان يعطينا مصروفنا وهذي فكرت دراقه والله حلوه وخلتنا نوفر مبلغ راائع وقريب ترا اول شي ابتدي من الشهر الياي افتحي حساب توفير في بنك اسلامي ولمدة كم شهر حطي نص المبلغ لين يصير عندج 10 الف درهم بعدين اقتطعي من المبلغ لمدة 10 اشهر الف درهم فقط وبعدين اقتطعي 500 درهم فقط لين يصير عندج مبلغ محترم طبعا هذي خطتنا ونحن في الشهور الاولى بس لان مبلغنا كبير نحن حطيناالهدف الاول 100 الف درهم ان شاء الله وبعدين ننتقل للهدف الثاني واذا تحسين الموضوع صعب اتبعي الطريقه الثانيه انج مثل ما توفرين للوالده 500 وتعطينها اياها حطي 1000 في حساب التوفير وحط في بالج انج تستلمين 3000 بس وقسمي هالثلاثه في ظروف في البيت الف للعنايه الشخصيه والف للاغرض والعطور والي تحتاجينه والالف الثالث للضروريات وبتشوفين بيتم اول شهر عندج 500 من ظرف الضروريات وبيكون فوق معاش الشهر اليديد 500 اضافيه تعطيج متسع اكثر وممكن توفرين من البلغ نفسه بعد اتمنى فهمتي علي وادعي لختي دراقه تنجح عمليتها بعد العيد وربي يزوجها الي تريده وانا ربي يوفقني واي مساعده قوليلي

مشكورين على الرد والله ماقصرتو يزاكم الله الف الف الف خير

يا جماعه انا اطلع من المعاش كل شهر للخير بس ماحبيت اذكر


اخت دراقه الصغيره فكرتج وايد زينه وشكلي باطبقها من بداية الشهر

ومره ثانيه اشكر ردودكم وجزاكم الله الف خير ويعطيكم الصحة والعافيه