كيف اقدر اتعامل مع امي

السلام عليكم يا جميلات ، محتاجه مساعدتكم 💕 عمري ٢٧ سنه والاقي صعوبه في التعامل مع امي ، ماما غاليه علي واحبها حب ما يعلم فيه الا الله بس مشكلتها قسوتها نادراً ما اسمع منها كلمه حلوه اغلب كلامها معي تجريح حتى في الاكل انا جسمي حلو وعاجبني الحمد لله طولي ١٦٠ ووزني ٦٥ وجسمي متناسق بس بالنسبه لها انا سمينه مره ، لما آكل لازم تعلق مثلاً ( تاكلين ليش ناقصه شحم انتي ؟ ) لما اقول جوعانه ( ماشاء الله الشحم الي فيك يكفيك ) عارفه انها تقول الكلام هذا عشان مصلحتي بس انا أبداً مو سمينه وفيه اسلوب المفروض ، من لما كنت صغيره كنت بس اسمع منها كلمة ( فشلتيني ، فضحتيني ، حاسبه نفسك دائماً صح ، لا تناقشين الناس ) حتى لما الكل يكونو يتناقشو في موضوع وانا معهم اصير بالنسبة لها ملقوفه وقليلة ادب 😣 لما اتكلم مع اهلي ( خوالي واعمامي ) انتم عارفين أحياناً يسألونك سؤال عن حاجه وانتي ما تبين الكل يعرف عنها فاصرف الموضوع تقوم تفشلني عندهم وتكذبني قدامهم ، مع ان الكل يمدحني عندها ، ومتفوقه ياربي لك الحمد دراسياً والاولى على دفعتي ورسامه وفائزة بجوائز وعندي شهادات ما تنعد ومدربه يعني ناجحة بحياتي ولله الحمد بس عشان ارضيها ومع كذا شايفتني ولا شيء ، حتى التخصص الي دخلته دخلته برغبتها هي ، انا الكبيرة في البيت فأغلب مسؤليات البيت علي والله اني اساعدها طول يومي واي شيء تبيه انا اسويه بدون مبالغة حنى ٧ بنات محد يشتغل لها كثري في البيت ومع كذا تعاملها مع خواتي احسن من تعاملها معي ، اعطيكم مثال اختي من النوع المزوح وتلطف الجو كثير في البيت بس احياننا يصير اسلوبها مع امي كأنها صديقتها اكثر من امها يعني تقلل احترامها وشيء ومع كذا امي تضحك معها بينما انا لو اقول كلمه بسيطه ( نفس ما تناديها اختي ) اصير قليلة ادب ووقحة 💔 ادري طولت في اشياء كثيرة غير كذا .
بلييييز علموني كيف اتعامل معها انا فعلاً تعبت والله من كثر تجريحها وتنقيصها لي صرت ما انام الا وانا ميته من البكاء 😭😭 ابي حل احبها واموت فيها وابي ارضيها بس هي تخليني ابعد عنها بأسلوبها .