كيف اقدر احط عيني في عينه بعد الي صار

هذه اول مشاركه لي في هالمنتدى الطيب
اتابعكم من بعيد لبعيد لكن هالمره قلت خل اكون في قلب الحدث>>> متعوب عليها قلب الحدث
خواتي عندي مشكله ابغى حل لها الله يجزيكم خير عارفه انكم ماراح تبخلون علي بالحل
قبل كم يوم اتصل خطيبي(زوجي) علي وقال عندي لك مفاجأة
طرت من الفرح
وجلست افكر ياترى شنو هالمفاجأة >>> حزر فزر
المهم مر علي ورحنا للمكان مهجور مافيه احد
وانا افكاري تودي وتجيب الحين هذا صاحي يجيبني في هالمكان
الناس اذا حبت تسوي مفاجأة تروح في مطاعم او مكان رومانسي
وهذا جايبني في مكان وراء مدرسه متوسط ومافيه احد
بدت شياطين افكاري توسوس لي
ليكون ناوي على شي واختار هالمكان ولامن شاف ولامن سمع
قال لي فتحي وجههك!!!!!!!!!!!>>> انهبل الرجال
المهم بعد ماحلف لي ان هالمكان ماحد راح يمر فيه يعني اضمن ان ماحد راح يشوفوني
قال لي غمضي عيونك
قلت ليش هالمره تاكدت ان اكيد ناوي على شي
قال غمضي عندي لك مفاجاة
سلمت امري لله وغمضت عيوني وانا قلبي طربق طربق>>> خيل مو قلب
يحط يده على يدي
لاشعوريا صرخت ذيك الصرخه الي حتى سكان موزمبيق سمعوها
عطيته من ذاك الكلام الي يسم البدن
ان الاتتوقع جبتني في هالمكان وتقدر تسوي الي تبيه
انا عندي اهل لو تطلب اللجوء السياسي في امريكا راح يشربون من دمك
وغيره من الكلام
والرجال كان احد صاب على وجههه مويه
قال لي مو قاصد شي بس


















كنت ناوي اللبسك الخاتم الالماس الي شريته هديه لك
وجههي صار قوس قزح قمت القط وجهي من على الارض
حبيت اخفف من حده الموضوع
قلت ماراح نروح نتعشى>>> قلت اكيد بيصفقني :D

قال مالي نفس راح اوديك لاهلك
طول الطريق وهو يقول ماتوقعتك تفكرين فيني بهالطريقه
وتشكين فيني
مو قادره اجيب كلمات اعتذار تناسب البلوى الى عملتها
احس ان مالي وجهه اشوفه مره ثانية
كم يوم اتصل جواله مقفل او مايرد :(
شنو الحل ياخواتي >>> شاده الظهر فيكم