ما شاء الله البنات كفوا ووفو وانا اقولك انه زوجك مش متاثر بامة لا اهو عنده نفس شخصية امه وعلى فكرة ها انوعية من الشخصيات نوعها بصري يعني اول شئ يشوفون وبعدين يسمعون فانتي اقري عن كيف التعامل مع الشخصية البصرية
انا اقولك وانتي توصفين مشكلتك كانك تتكلمين عني انا وزوجي بس انا تعقدت ووصلت لدرجة اني لما ازور حد عيني تلف ببيوت الناس ادور الوسخ وين يعني صرت مثله فانتي شوفي بيتك بعيونه وبتعرفين وين الوسخ اللي يشوفة وبتلقينها اشياء ما تخطر على البال مثلا انا اكون مرتبة ومعطرة والبيت يلق لق ويدخل وتبدا الانتقادات شو هالوسخ وانتي مهملة ولما لقوله انزين قولي وين الوسخ بقول شوفي خداديات الكنب مب مرتبة مضبوط يعني شوفي كيف ما يقصدون بالوسخ الوسخ بحد ذاته بل الترتيب مع انهم بحياتهم مب مرتبين وصدقيني مع الوقت بيقل انتقاده فانتي احرصي على النظام والترتيب بالاضافة للتنظيف حتى الادراج اللي يفتحها خليها مرتبة بالمقسمات والجرد المستمر يعني كوني منظمة وان شاء الله بعدين هو بيتوصف بين الحريم بنظافتك ونظامك مثل ما وصلت انا الحين صار يضرب في المثل بالنظافة والترتيب والحمدلله الذي لا يحمد على مكروه سواه وها الشئ ما يصير الا بالتعب وعلمي عيالك على النظام عشان يقل عنك التعب لانهم هم الاساس في نظام البيت
بقولك موقف صار لي قريب يمكن يعطيكي امل قبل كان دايما يعايرني بوحده من اخواته انها بيتها دايما نظيف مع اني انا ما كنت اشوفة نظيف بعني هو مرتب خارجيا لكن لما تدققين تلقين انه وسخ مثل المراوح ومكابس الكهرباء وخيوط الكنكيوت كلها وسخة بس عشان تعرفين كيف ما ينتبهون لها الاشياء وهي ما عندها عيال صغار كلهم كبار وقبل فترة احتجت لفرن الكهرباء من عندها ضروري وكان وياي في المطبخ فلما شاف الفرن قال وش هالفرن الوسخ كان يظن انه النا وقال لاتطبخين في هالوسخ فانا رديت بكل ثقة نفس هذا فرن اختك فلانه الي كنا نتعاير بنظافتها وها الاشياء الي كنت ما تشوفها وسكت كانه صار ابكم والحمدلله ناصر المظلوم ولو بعد حين

ابدا لاتاخذي رايه ... انا لما اطبخ مااخذ راي زوجي
لاني اعطي جهدي وممكن راي منه متسرع يحطمني !!!

اولا لا تدخلين امه بمشاكلكم..ومادام في حدود بينكم لا تلغينها تقوم تتمادى وتبدأ تتدقق لا تفتحين عيونها على شي..

ويااااااااااابختها قريبتكم الوسخه على قول زوجك اخذت حسنااااااااااتكم كلها ..والله حرام عليكم حتى انتي مشتركه بالذنب ..لما يجيب سيرتها سكتيه في حديث فيما معناه انو لما تسكتي اللي يتكلم عن عرض اخيه ربي يحميكي يوم القيامه من النار..وحتى لو وسخه خير ياطيرر..نظافتها لنفسها ووساختها لنفسها مااحد له دخل فيها..

اول انا كنت زي كذا ادقق لانه الحمدلله امي الله يحفظها نظيفه وموسوسة نظافه بعد والحمدلله طلعنا عليها وجاتني فترة كذا بس ادقق على بيوت خلق الله بس الحمدلله الحين اقتنعت ان كل واحد حر في بيته وفي النهايه هو اللي راح يتضرر من وساخه بيته...بس مسألة انه تكون مثل والكل يربط الوساخه بهذي الانسانه غلط وربي ماأحد كسبان في النهايه غيررها عبادااااتكم كلها اجرها لها..

واسفه اذا ضايقتك بردي بس تفاجأت بصراحه من تعليق زوجك عليها عالطالع والنازل..

معليش ملفت انتباهي الا قربيتكم
تدرين انكم بكذا تظلمونها وزوجك يتعدى عليها وعلى سمعتها وهي المسكينة ماتدري عنكم
وربي يعتبر ظلم لها لو تدعي على من ظلمها اخاف ربي يعاقب زوجك

^^^^^^