هلا أختي
سورة البقرة عبارة عن ٤٨ صفحة لو قسمتيها على ٤ بتصير عندك ١٢ صفحة
أقري بعد صلاة الفجر ١٢ صفحة وبعد صلاة الظهر ١٢
وبعد صلاة العصر ١٢ وبعد صلاة العشاء ١٢ صفحة
وبكذا خلصتي سورة البقرة في يوم كامل وبعد كل صلاة
وطريقة ثانية وهي تخلصي على صلاة الفجر الجزء الاول وعلى صلاة العصر الجزء الثاني واذا قدرتي تكملي الثالث لانه قصير
واذا حبيتي كمليه على صلاة العشاء
وممكن تقري ٢٤ صفحة الفجر و٢٤ صفحة العصر
ومثل ما تفضلوا الاخوات تقدري تخلصيها ف ساعة او اقل بس شوفي الوقت الي يناسبك لانه على التعويد تحسينها سهل وبسرعة تخلص وانصحك قبل تنامي تشغلينها كثير بتفيدك ف التجويد والحفظ بإذن الله
وربي يثبتك ويوفقك إن شاء الله حبيبتي
الله يثبت الجميع .. لا تحسسين نفسج انها صعبة .. اقريها مرة وبتلقين نفسج تعودتي عليها ومستحيل بإذن الله تتركينها
الصفحة الأخيرة
شوفي للتسهيل اشتري كتيب سورة البقرة (في احجام كثيرة) انا اخذ اللي بحجم المصحف العادي او اصغر شوي
هو يكون بس سورة البقرة وفيه على جوانب الصفحة تفسير ومعاني الكلمات (شي بسيط مو متعمق كثير)
و الكتاب يجي نحيف كثير تاخذين باي مكان بس فيه سورة البقرة وادعية باخر الصفحات
لما بديت بالقرائة كانت تاخذ مني ساعة ونصف تقريبا
لكن مع التعود راح يساعدك كثيييييييير تخيلي صرت اخلصها بساعة الا ربع الان ولله الحمد
مع كثرة القراءة وفهم المعاني بيسهل عليك كثير
بالذات هذا الكتيب اي كلمة صعبة تلاقي معناها علطول
انا غالبا اقراها قبل الفجر وقبل القيام (اذا كان فيه وقت)
واذا فيه وقت اقرأ معاها ال عمران
كلهم مع بعض تقريبا ساعة ونص
بالتوفيق