كيف اقدر اكسب زوجي واقربو مني

اسحريه السسحر الحلال💍🤤
اسحريه ب اسسلوبك ..

ادعي ان الله يسخره لك وتوددي له

هل هو متغير عليش؟ ولا هو من البدايه كذا !

خليك متوازنه بكل شي
يعني كلامك موزون خليه يشوفك دائما مرتبه ونظيفه ويشم ريحه حلوه فيكي وفالبيت لا تصيري نقاقه يعني اطلبي مره مرتين بعد كذا اذا ما لبى طلبك تدلعي وازعلي بدون صراخ ولا جدال ..
ابدعي كل فتره بطبخك وسوي تغيير كل فتره فالبيت ما اقصد تجديد لا بدلي بالاماكن وحطي لمسات حلوه هنا وهنا..
ابدعي بغرفة النوم بكل شي طبعا كل فتره عشان ما يمل..
لا تعوديه يستهتر فيكي وخلي لك شخصيه ثقيله وحلوه بنفس الوقت ترى الرجال اكتشفت يحبو الحرمه الثقيييله يعني مو مغروره ولا دمها ثقيل لا اقصد بأسلوبها واللي تكون يا جبل ما يهزك ريح وامدحيه بس وقت ما يسوي شي كويس يعني ما تمدحي على الطالعه والنازلة واسرار اهلك واللي يخصوكي لا تقوليها له ومكالماتك مع اهلك وصديقاتك خلي فيها خصوصيه قدامه يحس وقتها انك شي مهم 😅زي ما هم يسوو معانا ولا تشتكي من اهله كثير يعني لا تدققي
ولا تصيري زعلوله قعد يمزح معاكي عاد ردي عليه واضحكي زودها معاكي طنششششي سوي حالك ما تسمعي وعلى فكره فيه قناة باليوتيوب زي الدكتوره هاله سمير وسحر النادي وجاسم المطوع وخليفه المحرزي يعني تستفيدي واولا واخيرا مافي زي انك تتقي الله من جوا بكل شي يخص بيتك وحياتك وتحتسبي الاجر وفروضك بوقتها والدعااااء دائما والله يسخرهم لنا ويحقق لكل وحده ما تتمنى

اههم شي لا تصيري نكديه ! ي فيه اشياء تغاضي عنها لا تزعلي وتتكلمي الا على الشي القوي عشان زعلك يصير له قيمه لا تقصري بحقوقه خليه يجي والبيت دايم نظيف وريحته حلوه وسوي قهوه وشاي ابعدي عن النكد والهواش والاسئله الزايده خليك طول الوقت تضحكي وتفرفشي وتسولفي وتمزحي ودلعيه وتدلعي عليه شوي وشكلك يكون مرتب ماله داعي دايم مكياج ولا استشوار بس اهم شي يكون مرتب واحياناً تمكيجي نوعي يعني خليه يحب الجلسه معاك لا تصيري دقيقه لانك لو تدققي مع الرجال تتعبي بالجنس طيريه لسما خليه ينسى نفسه لما يكون معاك طبعاً على حسب لكم كم مع بعض ااذا تعديتو السنه يعني مافيه حدود بينكم لا تخجلي لا تخجلي هبلي فيه تعلمي اشياء من النت والسناب ماخلا شي فيه حسابات لهالشي بس بحدود الادب يتكلمو لاكن يعلموك هذا الشي مهم مره لرجال مره سوي له مساج ينسى نفسه فيه ومره دلعيه مايحتاج اعلمك عاد نجي لك انتي نفسك لها حق اول شي قلنا لك حطيه بعيونك بس هذا مو معناها انك تنسي حقوقك ! حقوقك كامله خذيها منه مو بعناد او بصريخ ونكد لا بهدوء بس لا تتنازلي من مصروف من تمشيات من حتى حقك بالسرير من حقك يدلعك مثل ماتدلعيه ! لا تصيري ناشبه فيه ابداً لك حياتك انتي كمان يعني يطلع من البيت عيشي لنفسك ولا تكوني وراه اطلعي احياناً لوحدك مع اهلك مع صديقاتك فيه اشياء طاوعيه فيها بس اذا حسيتي شي من حقك ومافيه غلط وهو يحاول يمنعه عنك لا تقبلين وحاولي تفهميه وبكذا صدقيني راح يشوف منك الدلع له وبنفس الوقت حابه نفسك راح يطير فيك وارجع واكرر ابعدي عن النكد اتوقع اني ماقصرت 😁♥️