كيف اقدر انساه

السلام عليكم
بنات اصعب شي بالحياة الحب
اذا تحبين شخص وصار من نصيبك تراك محظوظه فيه شخص من اقاربي
قسم ان حبه معي من ايام الثانوي
كان بيننا مراسلات ومرسال الغرام اخته
الى اليوم وانا متخرجه لي اربع سنوات وعمري
٢٥ كنت حاطه امل يتزوجني
كنت راسمه امل كبير بالذات اخته تدري
اني احبه من ايام الثانوي انصدمت قبل سنه بخطبته
وقبل فتره بزواجه
والصدمه الكبيره بشكل زوجته اه يابنات وربي مجروحه اكتبت لكم وانا ابكي قهر وحرقه حاولت اتجاهل حاولت انشغل حاولت حاولت
زوجته جمميله فرق فرق عني بكل شي حاولت انسى
ماقدرت تعرفون لما تصحين وتنامين وشخص ببالك
شخص عايش فيك اتذكر كلامه لي
اتذكر ضحكته اتذكر كل شي كل شي
بتقولون ليه ماخذك يمكن مايبون اقارب
كل اقاربي وبالذات عائلته اخذين من بعض ويشجعون الشي هذا
كان يحبني ووعدني باشياء كثيره
لعلمكم ماشافني اخر علمه فيني بالثانوي شافني
كذا فجاه الولد تخرج وصار يشتغل معلم بمدينه ثانيه
قبل ٤ سنوات تقريبا ومن بعد مانقل مره مره انقطع عن
لاكلام اخته توصل لي كالعاده ولا رسايل
والمسن اللي زمان كان يكلمني فيه شكله حذفه
انا جالسه اكلمك عن سنين طويله اكثر من ٨ سنوات
ايام المسن ايام التويتر طبعا هو كان يراقبني بالتويتر
من اخته ويعرف اني قريبته وكلمني اكثر من مره هناك
فزي ماقلت لك الولد من بعد ماتوظف نساني
ولا حتى حاولت اسال اخته
لان اللي مايبيني ولا يدورني مستحيل اسال عليه
طول هالسنين ادعي بين نفسي وبين الله انه يكون
من نصيبي بس تدرون كان عندي احساس
كبير كبير انه مو ليا بتقولون كيف
اهله حقين مظاهر ويحبو يتفشخرو بمرت الولد
يعني يبغونها جممممممميله وكششششخه
لاخر درجه وانا صراحه عاديه ومو حقت ماركات
بالالاف وفشخره لان مو موظفه انا من وين لي
فهم والله اعلم اتوقع اقنعه اني وحده عاديه
وانهم بيخطبون له ملكه جمال فشي طبيعي الولد
يبي كذا
قسم انجرحت والى يومكم هالسالفه بتكمل سنه
وانا احسها زي السكينه بقلبي كانها امس
وربي وربي اتمنى اكرهه
ودي امسك عقلي واطلعه منه ماني قادره
حتى نفسيتي تغيرت مع اهلي
وخواتي صرت انفخ عليهم بدون سبب
اكرشههم على كل حرف اهلي صارو يتجنبو
يكلموني ولا يعرفو اللي فيني
لدرجه مره حطيت كل حرتي باختي اللي بالثانوي
وانصدمت مم ردت فعلي وقالت انا وش ذخلني طيب؟؟ وهي صادقه
السالفه كانت ماتخصها ابد
صرت انسانه حاره ماتحمل كلمه
بعد ماكانو الكل يعرفني بالهدوء والبرود
والله احيانا امي تكلمني اتهفف بوجهها بدون قصد
من نفسيتي التبن والله شي مو بكيفي
واروح بالغرفه وابكي اطلع كل اللي فيني
مقهوره مقهوره من كل شي
مقهوره اني احبه وصار لغيري
ومقهوره من شكل زوجته ماينلام لما ماخذني
ومقهوره من كلامه ووعوده لي وانا بنت عمه !!!!
ومقهور من نفسيتي اللي صرت اظلم ناس مالهم
ذنب ابد ابد واولهم امي الضعيفه وخواتي
بنات بتقولون انسيه زي كلام صديقتي
ياناس اقولكم اصحى وانا وهو ببالي
والله والله اتمنى اكرهه ع الاقل ارتاح
اكون اكرهه ولا احبه اخر مره صار لي موقف
طبعا اهلي مايدرن ان كانت لي علاقه معاه من الثانوي
الى اول او ثاني كليه
فكنا بمزرعه ولا فيه احد يرجعنا جت مرت عمي
عن حسن نيه قالت امشو ارجعو معنا فلان يرجعنا
تقصد ولدها اللي احبه انا لوني انخطف اخته تناظرني
وتسوي نفسها ناسيه السالفه
انا رفضت قلت لا مي اتصلي ع نقل ماراح نركب معهم
فشله وفيه زوجته
مرت عمي حلفت ماتتصل وامي تقول وش فيها
عادي دايم هم يروحون معنا ونجي معهم وصحيح
امي دايم تاخذ مرت عمي معها فالوضع عادي عندها
وعند خواتي لان مايدرون عني
اقسسسسم بالله يابنات لما ركبت معاه
تعرفين شعور اللي تحسين قلبك بيطلع من مكانه
تعرفين شعور اللي كل شي كل شي صار يذكرك فيه
هو جلس يسلم على امي ويسال عن احوالها وانا
غطيت عيوني لان كلهم دموع صوته ضحكته كل شي اتعبني
وربي بس اقول متى نوصل
وفيه بنات عمي صغار مايعرفون جالسين يستهبلو
معي ويمزحو وانا مره ماتكلم فجاه رفعت عيوني
اقسم بالله يابنات انه مركز علي بالمرايه والله
ان عيني طاحت بعينه ولما شافني انتبهت
ع طول لف
بنات اللي مرو بالشي ذا
كيف تعديتو هالمرحله
كيف قدرتو تنسون كل شي