كيف اقدر انسى كل هذا 😓

السلام عليكم ورحمة الله وبركاته
خواتي العزيزات اتمنى منكم دعوه او كلمه حلوه تطيب
خاطري ماراح اطول عليكم بقصتي بختصرها تقريبا
انا تعبت من سنه تقريبا ولكن الاربع اشهر الاخيره من قبل رمضان عانيت من بطني بشكل غير طبيعي وكنت
اتقلب ليل نهار من الالم ولا استطيع حتى الاكل والشرب
ونزل وزني وكرهت بيتي بشكل فضيع وكرهت غرفة نومي طبعا كان متوقع انه مرض روحي اصابني والله اعلم حسب الاعراض اللي جتني وله قصه طويله ماراح اذكرها كنت ارقي نفسي وعانيت مره
وكنت ايام الاختبارات ولدي يختبر وكنت اعاني مقدر اذاكرله زي الناس وعصبيه ووسواس وضيق المهم بعد فتره الحمدلله بفضل الله بدت حالتي تتحسن وبديت احاول اظغط ع نفسي واكل لما عديت المرحله الصعبه
صرت اذا طلعت من بيتي او سافرت او نمت عند اهلي
اتذكر لما اكون خلاص راجعه بيتي بعد غياب الامي
ومعناتي واخاف مررره حتى كنبة الصاله كرهتها اتذكر وانا اتقلب عليها واعاني اتذكر غرفة نومي وانا عالسرير اتقلب من الالم والضيق واروح المطبخ اتذكر يوم كنت
اتوجع واحاول اشرب شي او اسند نفسي بشي حتى ايام الاختبارات اذا تذكرتها يالطيف شعور لايوصف
وحتى ولدي لانه كان معي وانا اتوجع وهو يذاكر جنبي تجيني ضيقه وخنقه واحس كن الوجع جنبي يهددني
يرجعلي مدري كيف اوصفلكم شعوري والحين كنت مسافره فترة شهر عن البيت ورجعت وبس اتذكر واطالع
يمين ويسار كل ركن يذكرني بشي يضيق صدري
وجلست ابكي ابغى اعرف الحين كيف انسى ذيك اللحظات اش اسوي بتفكيري كل شي رسخ بمخي فتره صعبه والحمدلله ع كل حال اعطوني اراء وتجاربكم لو مريتم بهالشي وش سويتم عشان تنسون
اعوذ بالله خوف ووسواس وضيقه ان ترجعلي ذيك الحالات وقلق ابغى اغير وضعية غرفة نومي مو عارفه
كيف كل شي صعب البيت ع بعض مدري وش اغير فيه
عشان انسى لاتقولوا غيري الاثاث الوضع والظروف ماتسمح ولا اقدر انقل للاسف
اعطوني كلام يريحني الله يريحكم بالعافيه واعذروني ع كثرة كلامي
وصلى اللهم وسلم على سيدنا محمد