اااااااااااااااااا

وش رايكم اجل في معلمة بنتي تقول لهم يابهايم الله يلعنكم وترميهم بالكتب

واذا قالوا ماحفظنا تقول الله لا يحفظك

والمشكله انها معلمة دين

ياحبيبتي يا ام ندى
وليه ساكته اذا سبت بنتك روحي لها
وخليها تحترم نفسها وتثمن هرجها
ترين اللي تسكت عن حق بناتها تخلى الشخص يتمادي يفكر نفسه سيد زمانه

ضرب الطالبة بهدف تعليمها الأدب والالتزام و ضبط الصف و الاهتمام بالدراسة وحل الواجبات المنزلية (( ضرورة ))

الضرب الغير مبرح طبعا ..

لا تتخيلي إن المعلمة عندها ظروف تروح تحط حرتها في بنتك !!

ما في معلمة تتصرف كذا !!

المعلمة أكثر شخص يضبط أعصابه ..

و لا تصل لحد عقوبة الضرب إلا إذا لزم الأمر ..

هل بنتك هادية و ما تتحرك من مكانها ؟؟

هل تقوم بواجبها في البيت و الصف ؟؟

هذه الأسئلة التي يجب أن تسأليها قبل تقديم شكوى على معلمة ..

لا هم لها غير أن ترى ثمرة جهدها وتعبها تثمر بطالبات متميزات و متفوقات ..


لا منتي عارفة شي والله !!!

كوني معلمة ابتدائي لأسبوع واحد فقط و بتعرفي ..

إزعاج و ضغط و مطالبة بالتركيز على كل طالبة غير طلباتهم اللي ما تخلص ابلة هاتي ابلة سوي ابلة فكي

ابلة شوفي فلانة ابلة بطني ابلة ماعندي مرسام ابلة بروح الحمام ابلة فلانة اخذت ابلة فلانة سوت ..

و أعصابك مشتتة بين التركيز على درس مطالبة تخلصيه وبين البنات وحركتهم الكثيرة

و مديرة كل ما سمعت صوتهم قالت إنتِ ما تضبطي صفك و إنتِ و إنتِ ..

أنا هنا ما أدافع عن أحد أنا فقط أوضح وضع معلمة الابتدائي اللي تقولي عقليتهم ..

بدون ما تكلفي نفسك عناء تصور المجهود الخرافي اللي تبذله ..

غير إنها بعد ما ترجع البيت مهدود حيلها ..

مطالبة برعاية أولادها والتلحيق على طلباتهم ودراستهم و أكلهم و لبسهم .. إلخ

و إنتِ أم وعارفة !!


احرصي على أن تكون ابنتك مؤدية ما عليها من واجبات تكلفها بها المعلمة ..

اهتمي بمتابعة دروسها و قومي بزيارات دورية لمعلمتها للتاكد من مستواها ..

و إذا كانت ممتازة فتأكدي لن تكوني أنتِ أسعد من معلمتها بذلك !!

طيب ياختي لو مريتي بالفسحه وجت بنت رشتك بموية الصحة حقتها وش تسوين ؟؟ وش ابي بشطارتها ؟؟ ليه ماعندي كرامه !! اسكت يعني لكن والله اني مو قاسيه معهم اليوم المديرة سطعت بنتين رغم انهن اذى لنا كلنا بس يوم بكن وربي دمعتي نزلت وش نسوي ياختي قلة ادب عجزنا نسيطر ع المدرسه