كيف اقصر صوت زوجي ؟؟؟؟؟؟

السلام عليكم ورحمة الله وبركاته ,,

يبنات زوجي دايما يصارخ على المشكله الصغيره والكبيره بنفس الاسلوب !! مو مشكله علي المشكله على عياله !!

يعني ما يشوفهم الا يمكن ساعه وحده يوميا يجي بعد الساعه 4 عصرا يتغدى معهم ويقمون يلعبون وهم ينام ثم انومهم بعد المغرب !! ووقت الغدا تعالو شوفوا الصراخ :arb: انا مره اتضايق لاني احسهم صاروا ماعاد يفهمون الا بالصراخ والزعاق الكلام الواطي ما ينفع معهم !! ما ينفع معهم الكلام مره وحده !! لازم اكرر الموضوع كم مره واعلي صوتي !! وصارو يعنادون !!

ابوهم ماخذهم بالقوه وهم توهم الكبير فيهم لسا ما كمل 7 سنوات :(


انا اخجل من جيرننا دايما اهوجس ماقد سمعت صوتهم يمكن بزرانهم وعادي اطفال بس ابوهم ماشاء الله اشوف سيارته بس ماله حس !! مغير اقول يافشيلتي عنده !!

الله يبارك لهم يارب في ابوهم ويرزق ابونا الصبر على عياله


بس ودي اداوى هالصفه فيه لا تسبه عيالي >>>>>>>>> وهم ماشين على هالطريق وعندهم ميول شديد خخخخخخخخخخ



بنات والله صادقه ودي بحل مو علشاني انا اقدر اتحمل صراخه بس عيالي بزران وانا ما احب الصراخ اصلا واكرهه نفسيا واحسه ينرفزني
وما يطلع صوتي عليهم الا نادرا حتى انهم اذا صارخت اول يطلعون ويتركوني ويدروون اني تعبانه او فيني شي مو طبيعي <<<< طبعا اكون مسكره على نفسي بس هم يلحقوني واطلبهم يطلعون واذا عنادووا ازعل يدروون اني تعبانه اللحين الصراخ عادي

ولدي ذك اليوم مدري وش خذت منه اخته راح قال : ترا بعصب عليك !!!!!!!!!!!!!!!!!! :09:

رجال والله خخخخخخخخخخخخ وصرت اذا شفتهم رافعين صوتهم عاقبتهم عقاب خفيف بس اذا كان رب البيت ...........


ابغى حل رجاء

ملاحظه : تراني تناقشت معه كم مره وهو مصر ان هذا الاسلوب الامثل :arb: واني ما افهم وان اسلوبي بيخلي عياله ما يحترمونه ولا ياخذون له اعتبار !!!!!! قلت : عطهم حنيه يحبونك لا يخافون منك !! قال: مالك خص !!!!!!!!!!