كيف اقنعهم والله تعبت خلاص يارب استودعتك امري

ابي رايكم ابي استشيركم ابي كلام يطبطب على قلبي والله العظيم مليت وتعبت كل ماقلت خلاص جاء الفرج تجي اشياء واشياء تعرقل ..
طبعاً منكم من بيتذكرني وبعضكم لا .. انا تطلقت ظلم عانيت من طليقي ومن سوء معاملته وخيانته لي وعانيت من طلاقي ومن معاماة اهلي ااااه يارب الحمدلله على كل حال ،،
لي اربع سنوات من لما تطلقت ودخلت بعمر الثلاثين ومن الحظ ما كان يخطب الا متزوج او شايب او مطلق عنده ٣ او ٤ صغار يبيني اربيهم ... وكنت ارفض وكانو اهلي يعاملوني بقسوة ويقلبون علي ليه ما تبين تتزوجين انتي علة على قلوبنا انتي انتي ......
كنت اصبر واسكت واتحمل مرات انفجر بكاء غصب عني مرات ما اكلمهم بالشهور هذا وانا معاهم بالبيت ..
ابوي طيب لكن مغلوب على امره يتاثر بكلام امي واخواني ..
وكنت ارفض الزواج لاني مو مستعدة للزواج ابدا ولا عندي قدرة مقابلة رجل بحياتي بسبب طليقي الله لا يسامحه ولا يحلله لا بالدنيا ولا الاخرة ...
مرت الايام و كملت الماجستير الحمدلله رغم ما عانيته لكن اصرريت وواصلت لانه ماكان عندي الا هي اشغغل نفسي وتفكيري فيها وكنت اتحمل مصاريفي انا ولا اخذ من احد ابد.. واخذت لي دورة انجليزي المهم اشغلت نفسي رغم سوء معاملة اهلي و الم الوحدة والم الطلاق الحمدلله على كل حال ..
بالصدفة تعرفت على وحدة الله ارسلها لي سبحان الله كانت سبب في اني اعرف خطيبي الي هو اللحين ، بالبداية كانت عنده ظروف ما يقدر يخطبني وقلت عادي ..
مع الايام طلبت رقمه وتواصلت معه لا تقولون غلط وووو انا طلبت الرقم عندي بعض الاسئلة ابي لها اجوبة لانه مطلق وعنده ولدين واحد عمره ٦ سنوات والثاني ٩ سنوات . طبعاً اهلي مستحيل اقول لهم هالشيء اني تواصلت معه ... من لما حكت لي عنه واخذ رقمه ارتحت له مررررة كاني لقيت شيء يخصني يناسبني ودايم استخير الله لي سنة واكثر ،،
ولانه من قبيلة ثانية كلمت اهلي عنه وقلت شخص من قبيلة كذا كذا يبي يخطبني ولا اعطيت ردي ولا اخذت منهم رد حتى كملت سنة وقبل فترة رجع تواصل معي وقال ظروفه تمام لانه يدرس دكتوراه كان راتبه ما ينزل له ،، لكن اللحين صار ينزل له
قال اذا انتي مرتاحة وموافقة علي كلمي اهلك وكلمت اهلي وقلت لهم وموافقين وهو اتصل على ابوي وخطبني منه ،، ابوي بالبداية متقبل وعادي لكن فيه تردد غير طبيعي .. امي طبعا موافقة اخواتي عادي موافقين .. اخواني رافضين ويحاولون يضغطون عليه لا يوافق ..

لمتى انتظر لمتى اتحمل ظلم اهلي لمتى اصبر اااااه يارب
لما ارتحت لهذا الخطيب عمره قريب من عمري ومتعلم واولاده نوعا ما كبار والحمدلله انهم اولاد لانه دايم بيكونون مع ابوهم وين ما راح
بس لانه من قبيلة ثانية ما يبونه ..
كلمت ابوي اليوم بهدوء قلت رديت عليه قال اخوانك مو موافقين قلت هذي حياتي مو حياتهم هذا قراري مو قرارهم قال يمكن الي يقولونه صح انه سكران داشر ما يخاف ربه اكيد مطلق اكيد فيه عيب ليه ما يتزوج من قبيلته .. سوي مثل ما قالو اخوانك كملي دراستك توظفي وش تبين بالزواج مو محتاجة زواج ولا شيء واكيد بيزوجك ويطلقك مثل الاول وووو .
قلت لازم تعرفونه .. الي طلقني تعرفونه وسوا الي سواه فيني مو شرط الناس مثله ..
المشكلة اخواني واحد لسى يدرس بالجامعة والثاني عمره نهاية العشرينات وماهو متزوج يعني مو عارفين ليه انا مرررة محتاجة اتزوج ابي استقرار ابي اطفال ابي اعيش
انا بموووووت من قهرررررري ليييييه ليييييه هالتفكير ،، ياااااارب تتيسر امووررري كلها
والله العظيم اني احتجت اخواني باوقات ولا لقيتهم ابدا ولما ابي شيء يصرفوني اللحين صرت اهمهم ويبون مصلحتي ابوي ليه معطيهم اكبر من حجمهم ليه يهووون عليهم اتالم وابكي ،،
والي خطبني يرسل لي يقول ابوك ما رد لي قلت اعطيه وقت بس بينت له ان اخواني واقفين بطريقي ولازم هالشيء الاقي له حل ..
عمري يمشي حياتي صار فيها نوع من الملل صرت ابكي كثيييير اشوف خواتي عايشين حياتهم وعندهم اطفال صديقاتي كل الي اعرفهم وانا لا عمري فوق الثلاثين من باقي بيتقدم لي الا كبار او متزوجين والله اكتب لكم ودموعي بعيوني وابكي الي دعواااااااتكم وابي حلول وش اسوي عجزززت ،،
ليه لانه من قبيلة ثانية ومنطقة ثانية ما نبيه انا ارتحت لخطيبي وابيه اسال الله العظيم ان ربي ييسر اموري ويفرجها ويحققها بمثل ما اتمنى ويجعل ما اتمنى خير لي بالدنيا والاخرة يارب ..
دعواتكم وكلامكم الحلو هو الي احتاجه ..