انا مخطوبه من سنه وشهرين وبقي على زواجي 3 شهور
وزوجي حالف مايدخل ينزف معاي يقول والله ما تعتب رجلي صالة الحريم
يقول ما اتخيل نفسي رجال وامشي بين الحريم عيب وهو يستحي مرره من الحريم
حتى بعد ملكتي كان مرررره مستحي مني لين تعود عليا بعد شهرين وصار على طبيعته
كان لما يجي بيتنا مايجلس جنبي انا اقوم والصق فيه وهو وجهه يحمرررررر
لأنه يحلفلي يقولي في حياتي ماعمري جلست وسولفت غير مع اخته وامه وخالته يقول حريم غير ذول ماعرف
امه واخته يقولون نتحداك تقنعيه يقولون مايدخل معاهم السوق لو كان فيه حريم واجد
حاولت فيه لين تعبت ماعرفت اقنعه يقولي انتم يالحريم انبسطو وافرحو مع بعض وانا بنبسط عند الرجال ليه تدخليني عندهم
مره وحده قالي موافق لما قلت لبنات خالتي انه مايبي ينزف قامو فكوها ضحك ومحشات علي لاني بمشي لحالي
رجعت البيت وكلمته وبكيت قالي وقفي بكى الحين وادخل انزف معك انا ماصدقت على طول وقفت
واليوم اللي بعدها جاب لي هديه غاااااااليه وقالي لو تبيها ارحميني من الزفه قلت في عقلي خليني اخذها واوافق وبعدها ابكي له ويرجع يوافق
واخذتها ااااااااااااااااااااااه ليتني ما وافقت ماصدق على الله قام يناقز من الفرح ويبوس يديني وراسي وانا ماسكه الهديه وشكلي كذا > 😐
بكيت بعدها لين جفت دموعي وهو يقولي خلاص انتي وافقتي لاترجعي بكلامك بس والله رحمته يكره نفسه لما ابكي صرت ما استعمل هالاسلوب معاه
شوفو انا مو موضوع انه راح الغي الزواج لو مادخل لالالالا
انا بس ودي بطريقه اقدر اقنعه فيها لأن والله موضوع الزفه مهم جداً بالنسبه لي وطول عمري احلم فيه وكل ماجيت عرس تمنيت اكون في يوم مكان العروسه مع زوجي
ابي مكر وحنكه ابي اجيب راسه واخليه يوافق ساعدوني تكفووووووون