كيف اقنعه يجي عندي ؟؟

صباح الخير .. اخوي اللي بتكلم عنه لسا طالع من المستشفى كان مدمن وتعالج بعد جهد جهيد الحمدلله
هو لسا مو متزوج .. وكان عايش لحاله بشقه ومدمن من فتره طويله طبعا هو لجأ للمخدرات والمسكرات بسبب حالته النفسيه ووحدته
هو مثل ما قلت ساكن لحاله ( انا ماعندي غيره وهو ماعنده غيري ماعندنا اهل عشان ماحد يقول وين اهلك عنه) والحين بعد ما طلع رجع سكن لحاله وانا خايفه عليه من السكن لحاله .. اخاف يرجع للي كان عليه لانه ما عنده احد واصدقاءه كلهم اصدقاء سوء ومنكر وهو وعدني يقطع علاقته فيهم ويبدا من جديد بس خايفه عليه لما يكون لحاله
امس العصر رحت لشقته ونظفتها وطبخت له وسويت له شاي وقهوه بس ما يكفي نفسي يكون عندي طول الوقن .. قلت له وش رايك تتزوج ؟؟ قال لا قلت ليه انت الحين تبت مثلك مثل اي واحد من ايش خايف قال بعدين الحين مو وقته .. ورحت من عنده وهو عند التلفزيون يكسر الخاطر لحاله ماعنده احد يونسه ولا يسولف معاه ورجعت لبيتي وعجزت انام بس اتقلب افكر ايش يسوي الحين طول الليل لحاله انا ماقدر اروح له كل يوم وحتى لو رحت له كل يوم ما يكفي انا ابغاه طول الوقت عندي ومتطمنه عليه لما قلت له تعال ببيتي رفض بقوه ولما زنيت عليه قال خلاص خليني افكر بسالفة الزواج وارد لك طبعا انا ادري انه بس يسكتني
ابي طريقه كيف اقنعه يجي يسكن عندنا .. احنا بيتنا كبير ويكفي 10 اشخاص وفااضي مافيه غيري انا وزوجي وولدنا والخدامه .. وهو بتكون له غرفه تحت احنا حاطينها لمثل كذا لو يجينا احد وانا وزوجي فوق يعني ما يضايقنا ولا شي وشرحت له كل هذا ( هو كان له مشاكل مع زوجي والحين بعد ما تعالج تصالحوا يمكن عشان كذا مستصعبها وقلت لزوجي انت قول له وزوجي كلمه وما قاله الا كل شي حلو بس لسا رافض )
ابي طريقه اقنعه فيها يجي عندي بس لما يتزوج بعدين يرجع لشقته اهم شي انا ما بغاه يظل لحاله عشان نفسيته هو توه طالع من تجربه صعبه ويحتاج احد جمبه وحواليه مابيه يكون وحيد