كيف اقنع امي =( ؟///قديم

الســلام عليكم يا بنات، كيفكمـ =)؟
نبدأ بالسالفـهـ
انا وحده من يوم ما انا صغيره وانا اموووووووووووووت بالشعر القصير!! بس المشكلة الي كانت معي انه شعري مجعد وشوشه بشكل كريـــــــــه ، فكنت مضطره اسكت واخليه طويل، وانا متحملته يمكن ١٤ سنهـ
بعدها الحمد الله يا رب اكتشفت الاختراع الخطير الي اسمه كوايه وانا من شريتها وانا كل ما اسبح اسوي شعري فيها واقعد عليه ساعتين او ثلاث ساعات من دون اي مبالغة لان شعري من جد طويل.
والحين فكرت فيها، ليه ما اقص شعري؟ انا من زمان وانا احب الشعر الطويل، وراح يكون اريح لي بمليون مره واوفر للوقت، المهم، رحت قلت لامي وهي رفضت الفكره رفضًا قاطعًا!!
مهما حاولت فيها وهي ترفض!! وصراحة انا زعلت منها كثير لا هي معطيتني كلمة انه بعد ما نخلص كل العزايم الي عندنا بتخليني اقص بعدها اتفاجئ انها تقول لأ!!
فتكفون بنات من تجاربكم أو افكاركم كيف اقدر اقنع امي؟ لأني صراحة ما ودي اقص من وراها واحطها قدام الأمر الواقع لاني ماحب ذي الحركات،،،، احب دايمًا اني اخليها بالنور في الأشياء الي بسويها
واذا بتقولون لي انتي بتتحسفين فبقولكم لا تخافون لاني اساسًا ما اهتم بشعري ولا احب شكله، ما عندي بكلات ولا اسوي فيه تسريحات، بس اخليه مفتوح دايمًا، والحين انا حالفه اني ما افتحه خير شر واسويه كعكة لاني مقهوره من قرار امي، واذا بتقولون لي ان الشعر الطويل أحلا على البنت فهذا رأيكم الشخصي وأنا احترمه لكن خلوه لنفسكم وطولو شعوركم على كيفكم، لأن انا كمان لي رأيي إلي ما أبغا أغيرهـ =)
وشكرًا