كيف اقنع اهلي الي يسونه غلط

السلام عليكم ورحمة الله وبركاته
كيفكم صبايا
حابه اقول مشكلتي ويارب القى الحل عندكم بعد الله ودعواتكم بتفريج همي
انا عمري 31 وتقدملي شخص مطلق وعنده بنت
كنت متردده ورفضت لكن اهلي اضغطو علي حتى اشوفه نظره شرعيه وشفته مااعجبني ولا ارتحت له ورفضت تعرفون ايش سوا ابوي الله يسامحه قال للناس الله يحيكم احنا موافقين لما قالولي اخواني جلست ابكي عند ابوي وطايحه عند رجله اترجاه مايزوجني غصب عني لكن رفض هو وامي ويقولون انتي كبيره احمدي ربك جاء واحد وبياخذك قلتلهم ترى ماراح اوافق هذي حياتي قام ابوي يدعي علي بالموت تتخيلون كيف الصدمه ماتوقعت ابوي يسوي فيني كذا طلبتهم اختي وقالت ماراح يستمر زواجها هذا غلط
واخواني اثنين يقولون انقلعي اصلا مانبغاك واخوي الكبير قالت زوجته لاتدخل فيهم واخوي صغير تدخل بس قاله ابوي والله ادعي عليك ومالقيت احد يساعدني وتعرفون نظرة مجتمعنا للبنت الي تخطت 30 مو من حقها تتشرط
طيب ياناس انا مو مقتنعه كيف اتزوج من شخص ماابغاه افكر اتصل على امه واقولها اني رافضه واهلي غاصبني على ولدك بس انا مااعرفهم ولا اعرف ايش راح تكون ردة فعلهم
تكفون يابنات قولولي حل ماابي اعيش تعيسه
حسبي الله ونعم الوكيل