كيف اقنع زوجي

السلام عليكم
مثل ماتعرفون شهر رمضان قرب الله يبلغنا هالشهر الفضيل وانا وانتوا والجميع بأفضل حال.
وانا حابة اشتري لي غسالة صحون تريحني وتخفف علي
خصوصآ وانا حامل وشغل البيت يتعبني في الايام العادية فمابال في شهر رمضان.
وزوجي من النوع المتطلب يطلب مني اطباق كثيرة ومتعددة
لو بيوم شاف السفرة ناقصة طبق يزعل ولا يفطر نهائي ويضل معصب.
اضطر اسوي اقل شيء ٥ اطباق مع ان اسرتي بسيطة انا وهو وعندي طفلين
انا والاطفال نكتفي بطبقين.
واسوي الباقي عشانه.
والله متحملة كل السنوات الماضية لكن هالسنة نويت اني اشتري لان فعلآ الحمل متعبني وطفلي الصغير بيحوووس لي في المطبخ ويشغلني زووود.
فاتحت زوجي بالموضوع ورفض وتعذر ان ميزانيته ماتسمح.
والله يابنات اني جمعت من مصروفي عشان بس يوافق
وفعلآ نقصتني كم مية وقلت لاختي تبيع كم قطعة من ذهبي.
حتى اكمل المبلغ بس لاني مابيه يتعذر لي ولاني مصرة عليها.
لكنها رفضت وعطتني المبلغ واخذته منها كدين برجعه بأقرب وقت.
بعد ما اكتمل حطيته عند زوجي وقلت له هذا مبلغ الغسالة جاهز.
لكن للأسف رفض رفض قاااطع
بحجة مايبي يخرب تسليك المطبخ.
والله انصدمت وحسيت بالقهر
وريته فيديوهات تشرح تسليلك الغسالة بصورة بسيطة وانها ماتخرب المطبخ وبرضو رفض.
وانا مو متخيلة ابد اني بوقف زي كل سنة طول وقتي بالمطبخ
بين طبخ وغسيل وتنظيف وتعب صحتي تستاهل اني احافظ عليها اذا هو مو مهتم فأنا تهمني صحتي ويهمني وقتي واني اخصص جزء منه في العبادة مو كله بالشغل.
ساعدوني يابنات كيف اقنع زوجي انه ياخذ لي الغسالة ويركبها لي.
بليييز انتظركم