كيف اقنع زوجي بالخدامه

شوفي حبيبتي انا مررره قريت اذا تبين تقنعين احد بشي رافضه لاتفتحين معاه الموضوع وتقولين ابي كذا مباشره
بيني له حاجتك للشي بطريقه غير مباشره
يعني مثلا وانتي تجهزين الفطور او الغذا قولي له والله صديقاتي يقولون لي ماشاء الله عليك
تجهزين فطور وغذا بروحك وتسوين كل امور عيالك ومهتمه بزوجك بدون خدامة ولا احد يساعدك شلون تقدرين احنا خدامه ويالله نلحق
مثال اخر
قولي له اليوم كان نفسي اسوي لك شي بسيط نتعشى مع بعض انا وانت ونروق
بس العيال اشغلوني لو كان عندي احد يساعدني عليهم كان سويت لك اشياء كثيره
او سوي له شي بسيط وقولي لو كان عندي احد يعاوني على العيال كان سويت اكثر

قولي له الموظفات اللي معاي كلهم يسولفون عن ان الخدامه اللي عندهم مريحتهم ومعاونتهم
ومستغربين للحين شلون بعض ناس ترفض يكون عندها خادمه
بيني حاجتك بدون لاتطلبي الخدامه مباشرة
طبعا الاشياء اللي تقوليها مو جالسه تكذبين
كل شي صدق
وجود الخدامه بيريحك ماكذبتي
وان شاء الله يجيك ويقول لك انه موافق

والله يا اختي بلشه زوجك نفس زوجي يتضايق من الشغاله ومايحبهم وانا موظفه مضطره بعد عشان عيالي . حاولي شوي شوي فيه الي يروحون ويجون مشكلتهم مايجلسون واحيان تطن بروسهم وسط الاسبوع يرحون اذا الي عندك زينات ومايرحون وربي وفقك فيهم خليك عليهم افضل الاستقدام غالي مره ويمكن تنحاش واذا جتك عله ماتقدرين تغيرينها شوفي جتني وحده عله ومعها ضغط ومادريت عنه الا بعد ماخلصت الفحص والتجربه ماعلموني بالفحص يوم استفسرت بعدين قالو ماهو مرض معدي .

خليهم عند امه
وهو وقتها بيروح يجري يجيب الخدامة
والا لو هو بنفس المنطقة خلي العيال عنده يتحمل مسئوليتهم
امك مو ملزومة بيهم ويكفيها تعبها والمسئوليات اللي عليها
او انك تستقدمي الشغالة وخليها لامك

الله يعين
انا طلبت زوجي خدامة نظام ساعات
قاللي اذا عندك فلوس جيبي لنفسك
من فين اجيب ياحسرة
الله يفرجها علينا وعليك يارب

بردات الفعل التي لا أجد لها تفسير منطقي أو صائب و حسب: مثل حق فيسلب ، أو تسهيلات معيشية ليس منها ضرر بل لها نفع فتُمنع ، و غيره و غيره مثل موضوعك أعلاه،
هنا فقط أنصح بالمثل من التصرف الحكيم غير المباشر . مثل موقف أخت و زوجة موسى و موقف بلقيس ملكة سبأ و ربما غيرها/

الحل /
قدمي خادمة بدون علمه أولا عن طريق أحد محارمك : أخوك، خالك إلخ.
بشرط ..
1- يكون فقيرا أو معتازا ماديا لازم عشان تضبط.
2- يكون بصفك متعاطف معك و متفق معك على جلب خادمة ..
- أي واحد مب بصفك أو موقفه نص و نص انتبهي تسألينه ممكن سلم الله يقلب و يحرق عليك -.
بعدين إذا خلصت كل اجراءات قدومها، وباقي شوي؟
قولي له أن:
محرمك هذا جاب خدامة "حق أمك" من حسابك و نسى يقولي إلا متأخرا، و ...
بسرعة تابعي كلامك :
و قال -محرمي- استسمحيلي من زوجك؟
فقلت له: لا ما يحتاج زوجي طيب أصيل و كريم شهم، مستحيل يرفض" بري بأمي "!
هنا احتمال وارد جدا زوجك يبي يستوثق من كلامك فيقول:
تبرين بأمك ما قلنا شيء، لكن تحلفين لي أنه ما تلمس عيالي؟
هنا جاوبي: ايه ، و الله العظيم ما تلمس عيالك !
هنا أنت قد الوعد و ما كذبت..
بمعنى الخدامة تغسل ملابس و تجهز أكل و تنظف وراهم و تنظف بيت أمك من دون ؟
من دون ما تلمسهم .. يعني أمك :
زي الأميرة تاخذ الشيء الجاهز و هي قاعدة و تمده لهم.
^
الله أعلم
أحس هذا أفضل أسلوب مع الأطباع النزقة اللي تعتري الأشخاص أحيانا - وليس دائما، لأن الإنسان لحظات-،
ممكن تستفيدين من الأسلوب أعلاه بسائر تفاصيل حياتك ،
بدبلوماسية و نبرة صوت دافئة واثقة، و إذا اضطررت تورية دون الكذب،
و باختصار دون إسهاب، و تضمين دون تصريح ... هذا نوع من الحكمة.