كيف اقنع زوجي نختار بيتنا بدون تدخل احد

زوجي الحين يبحث لنا عن البيت طبعا الكل عارف انو نزلت أسماء كثير بالاسكان من قروض وسكن وكذا
زوجي نزل اسمه بالقرض وقالو له دور بيت وناخذه لك البنك
الحاصل زوجي كل مالقى بيت حلو ونقتنع فيه ونقسم ونتخيل انفسنا فيه يجيب امه تشوفه وتطلع فيه الف عيب مثلا مافي موقف سياره مهو ع شارعين
انكسرت فرحتي في اني اسكن واختار بيتي بنفسي
امه تبيه يشتري بيتهم القديم من سنة جدي وتمدح ببنايته انه قوي وكذا قلت لزوجي لا هذا بيتنا للعمر لعيالنا بعدنا حرام تشتري لهم بيت له 35 سنه وقديم مره قال ارممه قلت تفصيله زفت ايش ماسويت ماهو بيت العمر
والحين زوجي طالع لي بنغمه جديده يشتري بيت فيه شقتين علشان يجوز ولدي اللي توه بالمتوسط ولا بالواقع هو بيتزوج
قلت تبي تتزوج محد ماسكك تستاجر لها بعيد عني لكن انا من حقي اسكن بيت حلو لي 16 سنه متزوجه اتشحططت بالايجارات والبيوت المعفنه
انا واثقه ان مادام امه وراه ماراح يشتري تبغاه يشتري بيتهم باي طريقه لانه بيت قديم ماحد بيشتريه اخر مره عصبت عليه قلت انا اللي باسكن مو امك بس زوجي مايسمع لي ابد كل شي يوريه امه
واليوم لقينا بيت دقق ع امه قال العصر نمر ناخذك
كيف اسوي الحين انا ابغى بيت كبير يكفيني انا وعيالي مع العلم زوجي دايم عنده عزايم يعني لازم بيت كبير
كيف اقنعه ياخذ البيت اللي ببالي
كيف اقنعه نختار. بيتنا لحاله بدون مايدخل اهله
لاتقولو امه وامه انا حاطتها فوق راسي واحلى معامله لها بس من حقي اختار بيتي انا اللي باسكن مو هي