كيف اقنع زوجي يجيب لي شغاله

السلام عليكم
وكل عام وانتم الى الله تعالى اقرب
يارب اغفر لنا ذنوبنا وخطاينا انت رب الطيبين
بنات انا ام لاربعه اطفال واشوف اني شغاله اكثر من كوني أم
ثلاث ارباع الوقت يروح طبخ غسيل تنظيف
مع اني ما اطبخ كثير الحمد لله بس محتاجه شغاله جدا جدا جدا
وزوجي مقتدر يجيب ثلاث شغالات مو شعاله واحده بس عازها عليه ليش
ياربي حاولت معه باللين بالطيب بالشده بالمكر بكل شي ومافي على الله مستحيل
هو جايب لاهله خدامه واصدقائه بيوتهم مليانه خدم وهو يشوف بعينه بس انا ليش مايجيب لي
هو فيه طبع البخل والشخ لكن بس علينا على اهله والناس ماشاء الله يعني لو اقول ماحد يصدقني
على سبيل المثال لا الحصر
غرفه النوم من اول ما تزوجت ماغيرتها ولحد قبل كم يوم متهاوشين على غرفه النوم ويحط اللوم عليه انا اني ماعرفت احافظ عليها لانها مكسره وطني مو جيد خشبها
مجلس قديم مره بعد من اول ما تزوجته الزواجه الغبراء ذي ماغيره فقط مره وحده غير تلبيسه المجلس فقط يعني تنجيد يسمونه بينما الاسفنج المتهالك هو نفسه ما تغير
المطبخ هو هو ماغيره واصيح عليه كل سنه يا ابن الحلال يا ادمي يا شبه الرجل ابي مكيف ذبحني الحر بالمطبخ وهو اذن من طين واذن من عجين
اللنبات دايم مطفيها بس يطفي بهالنبات وحتى لنبه الحمام ماسلمت منه
ادعو لي يا بنات ان هالطامه اللي ابتليت فيها يجيب لي شغاله لانه على الله مافي شي مستحيل راتبه مره ممتاز وحلو والله انه يسلف الناس والله العظيم
وهو يقول لي انه يراجع بالمحكمه لانه دايم يتاخر ع دوامه وعرفت من قبل كم يوم انه بيجيه مبلغ مالي محترم يعتي فوق ال150 الف ريال عرفت من اختي قال لها زوجها لانه صديق زوجها يعرف زوجي بالدوام بس طبعا زوجي مخبي وداس الموضوع لانه يتظاهر امامي بالفقر وقله الحيله وهو كذاب بس انا الحمد لله ربي كاشفه لي
مره قال لي انه مامعه فلوس المسكين والله بالصدفه شفت رصيده 15 الف ريال طبعا مو وقت رواتب
ايش الحل مع هالبخيل
ايه وبعد ثلاجتي مكسره رفوفها وصغيره مره وفريزر يا دوب يكفي 5 دجاجات بس
مو هامني الاكل بس اشوف الحريم والناس يفرزنون ومرتاحات
على فكره براد الميه جابه لي بعد حشف ونشف بعد ماكذبت اني عازمه 14 حرمه من قريباتنا وانهن رح يموتن عطش وسويت نفسي اكلم وانا ماكلم ولا شي
استحى على دمه وجاب البراد حق المويه
ادري بعد هالمقدمه تقولون لي كيف تبينه يجيب لك خدامه وهو بخيل اي نعم بخيل بس مافي شي على الله مستحيل
وبعد ابي بيت لو خرابه بس اوسع من هالشقه اقصد القفص اللي انا ساكنه فيه ساكنه بشقه فوق اهله كلمه صغيره ماتوفيها حقها لان بيت اهله اصلا صغير كيف انا بفهم مقسمينه فوق لشقق والله ما يتحمل والدرج واحد بيني وبين اخوه وزوجته
والله اكتب وانا مهدود حيلي من الشغل والكرف والتعب الحمد لله رب العالمين ماكرف لاحد لعيالي ولشبه الرجال زوجي لكن الراحه مطلوبه والراحه نص العمر اذ ارتحتي من هم الكرف تقدرين تقرين اعصابك ترتخي تمارسين هواياتك مو فوق ازعاج الاطفال وو و حوستهم وملاحقهم والراس اللي ينفجر من ازعاجهم شغل القفص اللي انا ساكنه به
وكله كوم ورمي الزباله بالشارع كوم ثاني اولا على الدرج طاخ طيخ يوه شكل الكيس انفتح لازم احط كيس ثاني فوق الكيس وعيالي معايه طبعا والصغير يركض وانا اركض وراه بعباتي اللي يطرخها الهواء ومافي حرمه بالحاره تكب الزباله غيري ورجال الجيران عرفوني كلهم ام الحلوين والزباله وعيالها يركضون الصغير عمره سنتين الله يحفظه ويحفظهم كلهم
دعواتكم بيت وشغاله يارب من غير شر