كيف اقول لبنتي ان زميلتها توفت؟؟

بسم الله الرحمن الرحيم
زميلة بنتي عمرها 13 سنه توفت يوم الاربعاء وجاني الخبر يوم الخميس بالليل من ام زميلتهم الثالثه وقالت لي اقول لبنتي انه زميلتها ماتت طبعا اهلها اكتشفو انه عندها سرطان والدكتور حدد لها موعد لاول جلسه للكيماوي واول مابدا لها العلاج توفت الله يرحمها ويلهم اهلها الصبر على فراقها يارب ويغفر لها ويصبر قلب امها
وبنتي الى الان ماعندها خبر ومو عارفه اقولها مدري ليه
قلت خلاص هي بتروح الاحد المدرسه وتعرف من نفسها بس ماارتحت مااعرف ليه ودي انا اقولها و مااعرف ايش شعورها لمااقولها انه زميلتك اللي من ايام الابتدائي كانت معاك توفت
لو انتو مكاني كيف تتصرفوا ؟ يعني اخليها تعرف من بنات المدرسه ومن المعلمات والا انا اقولها ماودي اعور قلبها لاني انا اللي مالي احتكاك في البنت حزنت عليها من كل قلبي وزعلت كيف بنتي اللي معاها بالمدرسه وتعرفها كمان كل ماجيت اقول لبنتي اسكت ماقدرت وبنتي من النوع اللي اذا تضايقت او زعلت ماتتكلم بس تجلس لحالها تفكر وساكته ولاتحب احد يشوفها تبكي بس يبان على وجهها انها بكت
في انتظاركم اخواتي
وياليت اللي تدخل موضوعي تدعي لزميلة بنتي بالرحمه وتدعي ان ربي يصبر قلب امها واهلها يمكن فيه منكم مستجابة دعوه