كيف اقوي شخصية بنتي

السلام عليكم
بداية بنتي عمرها 3 سنوات بكري ووحيدة
دخلتها روضة كيجي 1 علشان تشوف اطفال وتنبسط بحكم ماعندنا معارف كثير في المدينة اللي عايشين فيها


وماشاء الله تبارك الله مبسوطة في المدرسة ومتحمسة جدا
لكن مشكلتها ماتتكلم مع المعلمة ابدااا تتفاعل معهم ومع الاطفال لكن لما تكلمها المعلمة ماتنطق ولا اسمها


وتجيني البيت تتكلم وتشرح لي واسد علي
لكن مستغربة منها طيب ليش ماتتكلمي مع معلمتك
مدلله ولا نقسى عليها
جبت لها اكثر من مره هدايا توزع لصديقاتها بالصف
ورحت لمدرستها الام الزائرة ووريتهم للاطفال صورهاعلشان تزيد ثقتها
كل شي تمام في المدرسة الا مشكله الكلام المعلمة تقول
كانت في الحديقة قوية احد يضربها تضربها
الحين بعد ماكملت 3 سنوات صارت لا ماترضى الا اجي معها اخد حقها من الطفل
ياربي مقهورة ليه كدا نفسي بنتي تكون قوية شخصية وتتكلم في المدرسة
كيف اخليها تتكلم في المدرسة عجزت معها وانا اقول لها في البيت
صارت كمان مزاجية وتعند في هالسن
وش اسوي ساعدوني من خبرتكم


ماشالله اللي معها بالصف جريئين ويتكلموا ويناقشوا ويحكوا قصة حياتهم كيف اخليها زيه