كيف اكتب السيرة الذاتية

ساعدوني

ممكن حد من الخوات يساعدني في كيفية كتابة السيرة الذاتية
او الي يسموه ال سي في
6
461

يلزم عليك تسجيل الدخول أولًا لكتابة تعليق.

تسجيل دخول

Dala3 BnaT
Dala3 BnaT
مرحبا ختيه..

فالج طيب بس قوليلي تبينها بالعربي والا الانجليزي..

تحياتي
أم ميرة
أم ميرة
أبغيها بالانجليزي
tanya
tanya
:27:
أم ميرة
أم ميرة
شكرا اختي
Dala3 BnaT
Dala3 BnaT
اسمحيلي على التأخير..

اول شي لازم تكتبين معلومات عنج
اسمج
وصندوق البريد
والمدينة، والدولة
التلفون
والايميل..

وهذا يكون فوق في اول الصفحة

ـــــــــــــــــــــــــــــــــــــــــــــ

بعدين تحطينObjective اللي هو هدفج من الشغل:

وعقبها Personal Data

يعني معلوماتج الشخصية مثل تاريخ ميلادج
الجنس : ذكر والا انثى
الجنسية
الحالة الاجتماعية

____________________

الجزء اللي بعده
Academic Experience
يعني دراستج..

ابتدي من اخر شي خلصتيه في دراستج يعني اول الجامعه عقب المدرسة

وفي كل جزء تكتبين من سنة كم لين كم درستي يعني اذا دخلتي الجامعة في سنة 2000 واتخرجتي 2004

تكتبين 2004-2000

تكتبين اسم الشهادة
عقب تكتبين اسم الجامعة
سنة التخرج
والمعدل

وعن المدرسة بنفس الطريقة

____________________

الجزء اللي عقبه

Skills Acquired
اللي هي المهارات اللي عندج
وهذا على حسب دراستج
ـــــــــــــــــــــــــــــــــــــــــــــــــــــــــــ

وبعدين

Work Experience

اذا كانت عندج خبرة واشتغلتي قبل

اكتبي المدة اللي اشتغلتيها..

ووين

وشو الوظيفة..

وشو كانت مهامج ومسؤولياتج في هذيج الوظيفة..

ــــــــــــــــــــــــــــــــــــــــــــــــــــــــــــــــــــــــ

وعقب تكبين

Languages

اللغات اللي تعرفينها

واذا عندج علامات في امتحانات اللغة اذكريهن

مثل TOEFL

والا IELTS

________________________

وعقب Interest

اللي هي اهتماماتج وهواياتج

_____________________________

وبعدين

Achievements

هذا الجزء اذا خذتي جائزه في شي

ـــــــــــــــــــــــــــــــــــــــــــــــــــــــــــــــــــــــــــــ

وآخر شي

References

تكتبين اسم شخصين يكونون مرجع لج اذا كانوا يبون يسؤلون عنج..

طبعا لازم ما يكونون يقربولج..

تكتبين الاسم
الوظيفة
رقم التلفون
المدينة والدولة
والايميل..

________________________________

طبعا لازم ترتبين هالكلام بطريقة منظمه وما يكون اكثر من ثلاث صفحات..

اتمنى ان يكون شرحي واضح
اذا عندج اي استفسار خبريني..