بريق الماسه :

والله حبيبتي اقترحت عليهم مع زوجات عيالي وبنيت خيمه واثثتها ومكيف وتليفزيون وانتظرت حد يجي ...والله محد فيهن جا ...حتى ثريا حطيت وسيراميك اخترته لحالي وبيبان المنيوم وساحه صغيره جدامها بمغسلة وكراسي قلت للأطفال وجبت نجار عمل لي فيها طاولة بوفيه مصغره دورين ابي كل جلسه اعشيهم لو كل يوم وقلت لهم السبت نخليها وانتظرت سبت ورا سبت الله وكيلك خلصت السنه ...وللحين ماجو وماقدر الح عليهم الجلسه تحلى بالرغبه منهم من نفسهم دفعت خمسه وثلاثين الف كل الي جمعته ولليوم خيمتي مهجوره ورحت بيت امي اشتريت من كارفور جلسة حديقه كامله بطاولتها قلت بيجوني وصورتها لهم ونفس الشي والله جديده راح الشتا وجانا الصيف والحين بدا الشتا والجلسه تغبر والشغاله تمسحها وتنشف على طاولتها السجاد المغسول والله انا لو مو هالمنتدى الله يعيني يمكن اكلم الحيطان

والله حبيبتي اقترحت عليهم مع زوجات عيالي وبنيت خيمه واثثتها ومكيف وتليفزيون وانتظرت حد يجي...

(( الجنرالة )) :

سبحان الله كنت افكر اني وحدي الي اعاني لما قريت كلامكم حسيتكم تتكلمون عني ليش الله المستعان الوحده زادة اللهم لاتذرني فردا وانت خير الوارثين💔😢 انا زوجي دوامه طوييييييييل يروح النهار ويرحع الشمس غايبه ويكون مهلووووك على الاخر مافيه حيل المصيبه اني عايشه في الديره في قلب اقاربي من جهه اهلي ومن جهه اهل زوجي بس جمعاتنا كلها كذااااب في كذااااب فقط الوحده تقوم بالواجب وتلاقينها عازمه غصب وطول الوقت تشتغل وتصب قهوة ومومعك والضيوف اصنام او كل وحده تسولف مع اختها الي جنبها وانا عادة اكون البطه السوداء اتأمل فيهم عزايم ميته واذا رحت لام زوجي او اهلي فالغيبه والنميمه تأخذ حيز كبيييييير 💔 وطاقات سلبيه مهوله غير ابوي الي يكره بناته مايبغى يشوف خلقتنا فخففت الزيارات فدايم اكون وحدي في البيت انا طبعي انطوائيه ايام اكون سعيده وايام اتمنى الموت طبعا صرت اتابع افلام كرتون واقراء وارسم والعب بليستيشن والعب رياضه اتعلم اطباق جديده ومؤخرا اكتشفت انه افضل علم يتعلمة الشخص هوه عن دينه ينفعه دنيا واخر صرت ارسل معلومات دينيه في القروبات والسناب وفي قسم اليمان هنا بعالم حواء واتصفح عالم حواء واستمتع سبحان الله امنيتي زيكم صديقة صالحة دااااايم ادعي في صلاتي بالصحبه الصالحة حتى في سورة الكهف مذكور اهمية الصحبه الصالحه ‏{ واصبر نفسك مع الذين يدعون ربهم } الي ابغى اوصله لك انه كثير يعانون زيك واني انا عايشه في وسط جامعاتنا ويمكن في الاسبوع لازم فيها مناسبتين واشعر بالوحده 💔

سبحان الله كنت افكر اني وحدي الي اعاني لما قريت كلامكم حسيتكم تتكلمون عني ليش الله المستعان...