كيف اكسب حب الشغالة ؟؟؟...عاجل يا خبيرات

المفروض ياقلبي تسالين : كيف اكسب احترام الشغاله ...

س : اخليها كم يوم ترتاح بعد السفر ...؟؟؟

انا احس يوم كفاااايه

س : وهل افتش شنطتها ..؟؟

لا مااحب من اولها كذا ..

س : ومتى ابدا ادربها على تنظيف البيت ..؟؟؟

من اول شي علميها نظام بيتك

لاتزودين عليها ولاتنقصين

حطيها امام الامر الواقع

لانك لو خففتى عليها رحمه .. ماراح تتقبل بعدين

وان زودتى اول بعدين خففتى فرطتيها من ايدك

س : وما هو الاسلوب الافضل مع الشغالات .؟؟؟

الاحترام

ماتعطينها وجه لابسواليف ولاغيره

خذي منها اللى تبين وعطيها حقها

لاتجورين ولا يجار عليك



المهــــــــــــــــــــــــــ ـم ...

ابي الطريقة المثلى لكسب حب الشغالة لي ولولدي الرضيع
وتكون ميطعة

قلت لك .. الاحترام ,,

وحب ولدك .. يعنى مو ثقلين عليها ودايم ترمينه عليها

اذا شفتي مشغوله شيليه ..

لاتضربينه ولاتدلعينه قدامها

علمي ولدك يحترمها ولاتحقرينها قدامه ولاتحقرينه قدامه

وحسسيها انه عندك بالدنيا ..


الله يسخرها لك ويطعمك خيرها ويكفيك شرها

اهم شي انك ماتعطينها وجه ياحبي للشغاله اللي تشتغل شغلها وهي ساكته ماتتكلم ولا بحرف

لانك لو اعطيتيها وجه بسواليف واسئله وغيره راح تنغثين بالاخير ، خليك رسميه معاها وغير كذا شخصيه عشان تهابك بس بحدود طبعا

ثاني شي بالنسبة لتفتيش الشنطة الافضل انك تفتشينها لانه بعض الشغالات يجيبون بلاوي ماتدرين عنها
وغير كذا اكثرهم يتقبلون هالشي وعادي عندهم اذكر شغالتين جونا اول ماوصلو قالو للوالده اذا تحبين تفشتين الشنطة عادي وفتحتها قدامنا قالت امي مايحتاج شافتهم واثقين هههههه

اذا جبتو عشا من برا ياليت ماتنسينها لانه ترى تروح عن بالك هالشي حتى لو من غير قصد ، واذا طبختو تخلين لها حقها من الاكل اول شي ترى هالاشياء والله تروح عن بالنا ولو من حسن نيه

واخر شي ياليت كل الاخوات يتذكرون ان الشغاله مثلنا لها شعور واحساس ياليت نعاملهم بطيبه لاننا بكذا نكسبهم

الف شكر شهاليل والله كفيتي ووفيت عسى ربي يحفظك ويوفقك

وترى يوم قلت حبها اي والله ابي حبها مو بس احترامها لانها لما تحب ولدي ارتاااااح


والاخت ايونا مشكورة على المعلومات الله يفرج عنك زي ما فرجتي عني

الشغالات حظوووظ
شغاله تجيك طيبه حتى لو تصارخين عليها
وبعضهم لو تدلعينها وتسووين لها كل شي تطلع نجسه وقلبها اسود

الله يرزقك بالشغاله الطيبه معك ومع ولدك

خوفتيني يا ام هلا

وين باقي الحلوات ما عطوني رايهم