كيف اكفر ذنبي

كل عام وانتم بخير

والشهر مبارك على الجميع وجعلني واياكم من عتقائه في هذا الشهر الفضيل

بنات والله انها ضاقت علي الارض بما رحبت فهذا الشهر لا يتكرر الا مرة كل عام ولا نعلم ان كنا سنرى رمضان بعده ام لا او حتى ان كنا سنكمله ام لا

وسبب ضيقتي حصل لي موقف مع ابني الله يهديه ويصلحه<<<< تكفون ادعوا له بالهدايه دايم عنيد ويعصيني ومشاكل ودايم ادعي عليه من قهري منه

اليوم صار لي موقف معه واستفزني لدرجه ماتتصورونها ومن كثر ماقهرني قمت ولعنته استغفر الله العظيم

وربي ماهي عادتي اللعن ولا عندنا احد بالبيت يلعن حتى ابوه مايلعن

بس من حرتي وقهري منه وهو يتفنن في قهري

بنات وربي خايفه ماترفع لي دعوه بسبب اللعن وخايفه من الاثم وخايفه اني خسرت رمضان بعد اللي صار

والله الدنيا ضاقت علي

من عندها عن عقوبة اللعن وكيف اكفر عن ذنبي لا تبخل علي

وتكفون اللي تمر على موضوعي تدعي لولدي ان الله يهديه ويصلحه ويسخره لي وربي انه ذبحني بعناده وانا عصبيه وحساسه وهو عنيد وبارد