كيف اكلم جارتي بسرعه

جوري <<<<<<<<<< يسلمو على الرد صادقه العادات تختلف
انا من الرياض
وزجي احسه مستحيل يكلم زوجها مدري ليه

تصيرين جارتي بس

اختى لما تكون عندك اي عزيمه ارسلى لها شئ مثلا حلويااااات اذا انت تستحى ارسليها مع اي طفل يكون موجود ويقول لها انها من فلانه وحابه تتعرف عليك واذاتقدري الحين تجى تشرفيناااا هالجلسه ؟؟؟؟؟؟

أول مرة تعرفت على جارتي عن طريق زوجها ,, عزم زوجي على القهوة وقاله تعال أنت والأهل ...عشان يتعرفون ... وإذا زوجك مستحيل يسويها وش الفايدة لأن عموماً العلاقة تبدا من الرجال خاصة إذا كنا في عمارة وحدة لازم الرجال يكون فيه بينهم علاقة على الأقل السلام والذهاب للمسجد سوى ويقابلون وهم طالعين أو نازلين صح ولالا ؟؟..
وإحنا في الرياض وفي عمارة وعادي التعارف عن طريق رجالنا أسألة عن الجيران
إذا الرجال كويس أتعرف على زوجته بسهولة ...
وبعدين أنت تقولين إنك في عمارة يعني إذا فيه شقة في الدور اللي أنت ساكنته إذا كان وقت الصلاة دقي الجرس على جارتك اللي جنبك أو قدامك وسوي فكرة اللأخت قروية وعيونها غجرية ,,,

تصدقو احنا من الناس اللي شاردين من الجيران اصلا
وعارفه انه غلط كبير وان النبي عليه الصلاة والسلام وصى على سابع جار
بس احنا مدري ليه احس الجيران مشاكل وتعب ووجع دماغ واحس انه دايما هنا محد يبغى يتعرف على احد لأنه التزام بمجاملات مالها داعي
وانا انصحك يااختي انه لو فيك هذي الخصله الحلوه وهي حب التعارف على الجيران انك ماتترددي
اما انا مستحيل اسوي زيك تصدقي؟ انا شارده اصلا من جيران متعبيني ومتعقده من شي اسمه جيران
احس انه بس ياخذو عليك الناس ينشبو في حلقك
والله بعض ناس ماعندهم ذوق ولا لطافه في التعامل
اللهم ارزقنا بجيران طيبين يخافوك ياكريم
يارب يارب ادعولي تراني مره متعقده منهم

بالنسبه لي انا اول تعارف كان مع جارتي زوجي وزجها كانوا يتقابلوا عند الباب ويسلمون على بعض وفي مره قلت لزوجي اذا شفته خذ منه رقم التلفون فمره صادفه عند الباب ويقوله جارنا اخوي ترى جارك القريب ولا اخوك البعيد واخذ زوجي الرقم وكلمتها وزارتني مره وزرتها مره والوجه من الوجه ابيض بس بيننا الو يعني نسال على بعض بس كلن له حياته



والجاره اللي قبل هذي كانت لصقه لدرجة انها بس تشوف من الشباك اننا جايبين شي للبيت تتصل وتسال من زود اللقافه بس الحمد لله نقلنا من عندهم بس انها غاثتني والله كل شوي تدق تقول نبي نزوركم نبارك لكم بالبيت الجديد ولي الحين سنه واربعه شهور وانا ساحبه عليها احسها تستكثر لي الخير واذا شافت شي ماتستر الا تروح تنشر اللهم ياكافي والله اني شايله همها وهم جيتها الله يهديها