كيف اكون ايجابيه واعيش بسعاده مع زوجي

طاب حالك

ياالله .. عموما بإذن الله كتابتك المشكله تعتبر أول
خطوه لحلها .. طبعا ماعندي العلم الكافي لإفادتك
بس إللي أقدر أقوله طالما الأخبار تأثر فيك وع حياتك
أبعدي عنها قدر أستطاعتك ..أبعدي عن الأخبار السيئه
أستبدليها بالمواضيع المفرحه ..
ولابد أن نعود أنفسنا على التفائل والله هو الحافظ
بالنسبه لخوفك على بناتك حصنيهم وأدعي ربي
يحفظهم ...




لاإله إلا أنت سبحانك إني كنت من الظالمين ...

حبيبتي يعطيك العافيه ع ردك
المشكله الاكتئاب صابني من نفاسي ببنتي الثانيه والان عمرها سنه ونص احيانا احس افضل واحيان يرد وتتعب نفسيتي

عيشي اللحظة مايصير تعيشين شي ماحصل خايفة من حرب وغيره وينها الحرب ؟؟ وين الايام السودا؟؟! ليه تدمرين اللحظة عشان قلق لا اساس له .. فكري بمنطقية والله بتعيشين حياة حلوة انقذي حياتك قبل لايتغير زوجك عليك نهائي ويفوت الوقت .. تجنبي الاخبار انا ماعرفت عن ترامب الا من زوجي ما اتابع سياسة ابدااا تابعي اللي يوسع صدرك وتحبينه تجنبي اللي يضيق صدرك جربي تصحين بدري وتصلين الصلاة على وقتها يجيك بركة في الوقت غير عادية وارتياح في البيت وفي نفسك اطبخي بدري ونظفي بيتك بدري وبالليل نومي صغارك وتفرغي لنفسك ولزوجك او اسهروا سوا الام هي الاساس في البيت اذا حزنت واكتأبت خلاص الباقين بينكسرون مثلها انقذي بيتك وصغارك وانبسطي وعددي ايجابيات حياتك اكيد كلها نعم واشياء حلوة كثير يتمنونها ..

واضح معك اكتئاب

واللي زاد الطين بله انك تشوفين هالمصايب والبلاوي والحروب اللي بالاخبار وتتأزمين وتشيلين هم انا كنت مثلك نصيحه لا تتفرجين عليها نهائي حتى اذا ارسلو لك مقاطع لا تفتحينها ولا تقرينها .

انتي مؤمنه ان شاء الله واكيد مؤمنه ان الحياه والموت كلها بأمر الله واحنا راضيين تمام الرضا وندعي الله بإن يحفظنا ويحفظ غوالينا ويحسن خواتيمنا بالدعاء والايمان كل شي يتيسر ويفرج .

لكن انتي لا ترمين نفسك للتهلكه تتابعين وساوس الشيطان وترخين اذنك له يحزن قلبك ويضيق صدرك ويجيك من مداخل يخوفك على اطفالك ويوهمك بالشر والمرض والموت ، اول ماتجيك الوساوس قولي توكلت على الله واوفوض امري الى الله استودعت الله نفسي وزوجي واطفالي واقطعي التفكير وتجاهليه وفكري بشي سعيد او راجعي حفظك لسورة من القران .

وغيري نمط حياتك تغيير جذري حافظي على صلواتك وخصصي لك ورد من القرآن يومياً وتصدقي باللي تقدرين عليه واشغلي نفسك لا تجلسين منطويه ، تحركي ارقصي هرولي مارسي الرياضه اطلعي تمشي بالشمس .

وبخصوص الاكتئاب روحي افحصي الفيتامينات خاصة د والحديد لانه مع الحمل تفقدين جزء كبير منها وبسبب النقص النفسيه تنقلب .




الله يشرح صدرك وييسر امرك