مو المشكله في الموديلات و الألوان..
المشكله في المقاسات..


وحده من قريباتي "متعذبه" ويتقطع قلبها على
قطع "عاااجبتها" بس المقاس..!!!
و لو راحت لمحلات "المقاسات الكبيره"
طلعت أصغر قطعه كبيييييييره عليها

والمحلات العاديه "انتم شايفين" أغلب القطع
صغيييره
ولو لقت "خلاقين"
يعني يبيلها تلف سوق كااامل...
عشان تلقى "قطعه وحده" ناسبت لها....


وحتى التفصيل مو أي أحد يظبطه..!!!

بالعكس اختي حتى لو انتي دبة فيه اشياء وايد تناسب والله مرة شفت وحدة دبة حيل وايد وزنودها تخوف من المتن والله ما ابالغ ولا احب اجرح ولا شي بس كانت قمة الشياكة شيك بشكل مخيف ومثلك الله عطاها وجه جميل جدا كانت البنت وايد جميلة بس انيقة اناقة غير طبيعية وربي لحد اليوم صورتها مرسومه في بالي ( حشى ريال مو مرة ) بس والله بدون مبالغه كانت انيقة
بس هذا يثبت انه مو بس الضعيفة الي يليق عليها لا حتى الدبة

شوفي ياحلوه روحي لمكتبه جرير وافتحي كتب الملابس بتلقين كتب كثيره تتكلم عن اشكال الجسم والاشياء الي تناسبها حتى الجزم والشنط
حطي يوم روحي السوق واشتري وروحي بيتك ومخمخي وقيس وركبي (طبعا انتي شاريه حسب كلام الكتاب )
الي تحسينه حلو البسيه والي تحسينه شين اتركيه
انا عندي مشكله في جسمي وقريت مره في كتاب كيف تحل وشريت بلوزه بنفس الطريقه والله ثلاث هذاك اليوم يعلقون انتي جميله ماشاء الله من وين البلوزة وهي مافيها زود بس صارت راكبه
ونقطه مهمه قالوها الاخوات بعدي عن الرخيص بعدي عنه دايم اشتري انيق ومرتب ركزي على الخياطات والازارير لازم تكون نظيفه
مثلا االي عندها بطن لازم ماتلبس تنوره فيها كسرات من جهة الخصر بس تصير بنس مخيطه
لان الكسرات تفش وتزيد والبنس تغطي شوي
اذا كان عندك مرايه كبيره وقفي وخلي احد يرسم جسمك عليها بروج والاكحل من ورا ومن قدام ومن جنب وبتعرفين شكل جسمك
عموما كل الي اقولك عليه تلقينه في المكتبه بس دوري زين وعطي نفسك فرصه ووقت وبالتوفيق ولاتنسينا من دعواتك

الله يسعدكم كلام مفيد..

موشرط انك تقتنعي بسمنتك وخلاص اسعي للشكل الحلو على الاقل اذا مانحفتي خلي جسمك مشدود اهتمي بالايروبكس وتمارين الشد والله بتخلي جسمك مليان ويجنن ورزة بشكل ماتتخيلي والاهم بتحسي ان حركاتك خفيفة احسن من ارشق بنت
انا اتبعت نفس الحركة لما زاد وزني كثير اكثر من 40 كيلو بسبب علاجات الحمل ولااقدر اعمل رياضة لاني مخططة للحمل مرة ثانية لكن اعتمدت على الرياضة لتحسين الشكل طلع شكلي احلى من يوم كنت نحفية لدرجة كثير يقولوا لي لاتنحفي انتي الان وجهك مليان و اجمل

خلي لبسك قصات بسيطة واهتمي بالكماليات اصرفي عليها مبالغ كبيرة
شوفي لك مصممة حلوة تعرف تصمم لك بلايز تناسب تقاسيم جسمك حتى لو كانت اغلى من السوق
اهتمي بمقاس حملات الصدر لانها تغير من شكل جسمك بشكل كبير خذي شئ يرز الصدر ويلمه ويكور شكله اهتمي بمشد لجسمك ولا تخليعه مهما كان السبب خلي واحد للبيت وواحد للزيارات
ابحثي عن الالوان اللي تناسبك والقصة اللي تناسبك
اهم شئ البسي كعب لانه يشد الجسم ويخلي مشيتك حلوة ومدلعة ابعدي عن الفلات مو حلو شوفي اي وحدة سمينة وتلبس صندل فلات شوفي مشيتها موحلوة تحسيها عربجية حتى لو لبسها حلو وشوفي العكس سمينة ولابسة كعب
اهتمي بشعرك ومكياجك حتى لو طالعة زيارة بسيطة
اهتمي ببشرتك واظافرك حطي مناكير لون غامق يعطي رشاقة لليد والقدم
اهتمي باسنانك
لاتستغربي من بعض النصايح لاني اشوف كثير من البنات السمان تهمل بهذي الاشياء سبحان الله حتى النظافة احيانا تهملها تلاقيها جاية لعزيمة ماشلت حتى شعر يديها ورجليها اواظافر مكسرة ومصفرة من العجز مابردتها
لاتنسي لك شئ ضريبة
بالتوفيق عزيزتي