كيف اكون طالبة متفوقه في الجامعة للعلم قد درست في كذا جامعه من قبل !!!!؟؟؟

وعليكم السلام و رحمة الله وبركاته

اختي انا حابه اساعدك بس قبل مااساعدك الشي هذا لازم تتغلبين عليه لان اتوقع اهو اللي مسبب لك المشكله .. لاتتدخلين في شي ما يعنيك واسمحيلي قلتها لك كذا بس عشان ودي اوصل لك المعلومه خليك بس بحالك شفتي الحين الاستاذ رسبك عشان رديتي بدال البنت والبنت الحين خذت حقها ونجحت وراحت في حال سبيلها وانتي اللي تسببتي على نفسك

واذا على البنات كوني معاهم سطحيه زي ما يعاملونك ولا تتكلمين معاهم كثير اذا اهم زي ما قلتي من النوع الصغار وعقولهم صغيره .. وصادقي اللي يستاهلك

اتمنى مااكون طولت عليك واسفه لو جرحتك بكلمه بس انا حابه اوصل لك المعلومه..

الله يوفقك و يرزقك يارب و يرحم امك و يغفر لها ..

و نسيت اقولك اختي اهتمي بدراستك ولا تشغلين بالك غير دراستك لان محد راح ينفعك بوقت الضيق .. واحرصي على نفسك والله يوفقك واسفه على الاطاله

سلام

على حسب شخصيتك اتوقع افضل تخصص لك الحقوق يعنى تصيرين محاميه لان ضميرك صاحى مو مثلهم نايم بالعسل واهنيك على روحك الطيبه واخلاقك العاليه لانك حقانيه وبنفس الوقت خففى من حده اطباعك وحاولى تحتوين الموقف بهدوء ونقاش ماينرفز الدكتور يعنى وقفيه عند حده بس بطريقه شوى لينه مو حاده عشان مايحقد عليك ويرسبك

شغله ثانيه انتى ماقلتى بالتحديد وش الى مخرب عليك
التخصص ماهو ميولك؟
الجامعه مافيها صديقات قريبات منك؟
المواد صعبه عليك شرحهها وفهمها؟

حددى بالتفصيل وين الخلل عشان نعالجه لك


واذا تبين التفوق بالدراسه اعملى لنفسك خريطه ذهنيه تلقين الاخت روعه الخاطر منزله موضوع عنها هنا الله يجزاها كل خير

واشترى كتاب مهارات دراسيه لدكتور الكويتى نجيب الرفاعى بتلقين طرق توصلك لنجاح والتفوق الدراسى بأذن الله

:26: هاروكا يزاج الله خيييييييير حبيبتي
بلعكس الغاليه كلامج مايجرح وبخصوص اني مادخل في حد إن شاءالله بحاول
مشكورة على نصايحج ماشاءالله عليج واعيه الله يحفظج ويسعدج وين مارحتي
حبيبتي روح البخــــــور وعليج السلام اشكرج على كلامج والله اخجلتيني... :26:

بخصوص المحاماه درست وطلعت لاني اولا اواخيرا مابشتغل في مكان فيه ريايل
وثاني شي درست في جامعه الشارجه كل يوم اصك درب ساعه الاربع صدق عذاب والكليه تقدرين اتسمينها كلية الاموات مافيها حياه
والدكاتره عفان الله جامدين مول ماشي تفاعل يلقون المحاظره والسلام
ماحبيت الجوووو ابدا والبنات الله لا يراويج يا مصلحه
يا خقه على الفاضي والبس الله لا يراويج اغلب بنات القانون فري
ماحبيت هالنوعيه من البنات كنت احب بنات الشريعه اكثر لانهن متعاونات
ودايما مع بعض عكس بنات القانون هههههههه صدق طلعت الي في خاطري
وبعد على طاري التخصص وايد حلووووو بس تعالي شوفي ورقة الامتحان
اغلب الاسله مش مباشره تضيع الطالب
والجامعه كل مادخلها احس بضيقه ( وترا وايد بنات يشتكن من جامعة الشارجه )
وعن الصديقات الحمدالله انا اجتماعيه بس ماحب اتعمق في علاقاتي
لاني صدق اتعلمت وايد في حياتي بخصوص الصداقه
عندي مبدا لازم اعرف البنت عدل قبل لا اصدقها
وفي حياتي الخاصه بعيد عن الجامعه عندي صديقات ينشد بهن الظهر الحمدالله والشكر
وتسلمين واييييييييييد على الموضوع الي ذكرتيه والكتاب
إن شاءالله بشتري الكتاب وبقراه الا بحفظه لانه خلاص راحت علينا السنين على الفاظي وايد استانست على ردودكن ورفعتن من معنوياتي كثر الله خيركن وجمعني وياكن في الفردوس
آمين

تعرفين مشكلتك مشكلة هذا الجيل إلي مايعرف ويش يبغي ولا يعرف يحدد أهدافة :confused- :confused- :confused- وكل التخصوصات يبغها يحس نه بيبدع فيها وأنتي يا أختي منهم حددي أهدافك من الدراسة وسئلي نفسك كل يوم أنا ليه أتعلم :3_3_103:

أما بنسبة لزملاتك إلي بتقابلينهم فمثل ما عندك عيوب هم عندهم بعد وتقبلي ناس بمحاسنهم وسيئاتهم